Yn de LC: "Tatiana Pratley: Aan het roer"
03 01 2020
De Leeuwarder Courant sjocht al foarút op wat te ferwachtsje op kultureel gebiet yn 2020 en trapt ôf mei Tatiana Pratley: sy folget fan augustus 2020 ôf Ira Judkovskaja op as artistyk direkteur fan Tryater! It artikel yn de LC lêst hjir.
Ira Judkovskaja is omtrint tolve jier artistyk direkteur fan Tryater en ferdwynt fansels net stilwei fan it Tryatertoaniel! Ein febrewaris binne De Prutsers (mei akteurs Sjoerd Blom, Romke Gabe Draaijer, Raymond Muller, Eline de Vries en Brecht Wassenaar) wer werom nei de foarstelling Elkenien is yn prutser (2017), dit kear mei in eigen ynterpretaasje fan de Trije Susters fan Tsjechov: “Wat hat Tsjechov ús 118 jier letter noch te sizze?” De foarstelling wurdt spile fan 28 febrewaris ôf oant en mei 4 april yn ferskate kroegen en café’s yn Fryslân. Lês hjir hokker café’s en reservearje alfêst dyn plak!
Yn it maitiid regissearet Ira in betoverjende foarstelling fan 1000&1 nacht op in bysûndere lokaasje by sinneûndergong. Hâld benammen ús webside en sosjale media yn de gaten: de kaartferkeap start yn febrewaris.
