Waarmrinne foar Foekje Dillema
01 11 2023
We meitsje plannen foar in reizgjende teäterfoarstelling oer atlete Foekje Dillema út Boerum. Hja makke yn ‘e jierren ’50 namme op de ynternasjonale hurddraafbanen mar har karriêre einige rûch troch twivels oer har frou-wêzen. Op it stuit docht toanielskriuwer Kees Roorda ûndersyk. Hy sil ynkoarten mei it skript teset.
De bedoeling is dat de foarstelling, foarearst noch sûnder titel, plak hat op Fryske lokaasjes dy’t mei sport en/of atletyk te krijen hawwe. Skriuwer Kees Roorda is rekke troch har ferhaal en kaam mei it idee om in teäterstik te meitsjen.De reizgjende foarstelling moat wêze yn ‘e maitiid fan 2025. Roorda, hy wennet yn Amsterdam en waard berne yn Ljouwert, ferbleau yn oktober in wike yn Boerum om bekenden fan Dillema te treffen en har leefwrâld te sjen. Earder ferdjippe hy him al yn har draafkarriêre en it ferhaal efter har diskwalifikaasje. Hy skreau earder ûnder mear De Wierheid fan Wylgeragea foar Tryater en is ferneamd om syn troch de parse en it publyk goed wurdearre stik Rishi, dat er skreaun foar it Haachske selskip Firma MES en yn 2022 yn New York opfierd waard.
