In nije generaasje noardlike teatermakkers bondelet de krêften en bûnzet op de doarren fan de teaters. In ynspirearjende krêft foar en ferbûn oan Tryater: STORMRAM #4.
STORMRAM is in muzyk- en teaterfestival binnen de skouboarchdoarren. In jûn fol koarte foarstellingen en performances fan kollektiven dy’t it absurdisme net mije. In totaalbelibbing mei muzyk, teater, film en keunst: op de bühne en troch it teatergebou. STORMRAM bestiet út fjouwer kollektiven: Illustere Figuren, Heksenhamer, HOMSK en Akkers en Velden. Omdat Akkers en Velden drok mei de oankommende toer fan Kingdom of Earth binne, meitsje se dizze edysje plak foar in special guest: filmkollektyf Natte Haring.
De Illustere Figuren moetsje jo op har ôfskied om ierde te ferlitten. Se sille jo ynspirearje en oerlade mei har bylden fan har nije wrâld en bestean op Mars. De jeugdige fantasy fan de seis jonges oer it grutte ûnbekende dat se kenne út strips, ferhalen, myten en science-fictionfilms wurdt ôfwiksele mei de rauwe werklikheid fan de leechheid fan de romte en de benaudheid fan har kapsule.
HOMSK jout in preview fan de fideo-ynstallaasje Us Buorman Yn Tallinn, basearre op syn reis yn in âlde Portugeeske ambulânse nei Talinn.
Heksenhamer is fan de partij mei Hilbrandt en Skeve Hindoe.
Dizze edysje is filmkollektyf Natte Haring as special guest útnûge, bekend fan ‘Drie Mensen Vinden een Auto’.
Lokaasje De Harmonie, Ljouwert
Datum 9 febrewaris 2018
Tiid 20:30 oere
Priis €16,- normaal
