De ekstra foarstelling fan Fanfare op 26 juny is yntusken ek hielendal útferkocht!
As ien berne wurdt, dan stean se der. As ien stjert, dan stean se der. As ien 50 jier troud is of as in nije supermerk iepene wurdt, dan stean se der. In hiel libben lang.
Yn de grutte lokaasjefoarstelling Fanfare komst yn de kunde mei de leden fan in muzykferiening yn in lyts doarp, dy – nettsjinsteande alles en wat der ek bart – alle tiisdeitejûnen by elkoar komme om te repetearjen. In perkussioniste dy’t net graach thús is, in trompettist dy’t altyd op syk is nei ferbining en in saksofoanspylster dy’t har ôffreget hoe lang oft se noch blazen bliuwe wol. Wylst de dirigint Jetske besiket om alles sa moai mooglik klinke te litten, want wat der ek bart en hoe hurd oft de wyn ek waait: de fanfare giet altyd troch.
Salang’t wy blaze sil it duorje!
Fanfare is in poëtyske en humoristyske fertelling oer de leden fan in fanfare. Oer ferskillende minsken dy’t sykje nei harmony yn harsels en mei elkoar, mar dat lang net altyd fine kinne. Mei in grutte cast en it artistike team achter suksesfolle foarstellingen as Part-Time Paradise en Under Wetter makket Tryater yn de simmer fan 2024 in grutte lokaasjefoarstelling mei it doarp Easterlittens as dekôr.
It parkearterrein is oan de Baerderdyk op sa’n 400m fan de spyllokaasje
Fanfare is geskikt foar elkenien fan 12 jier en âlder
Der wurdt sawol Frysk as Nederlânsk sprutsen yn Fanfare. Nederlandse ondertiteling is aanwezig (lichtkrant)
English subtitles available (Smart Glasses). Choose the ‘ticket + smart glasses’
As de foarstelling fanwegen min waar net trochgean kin dan wurdt dizze ynhelle yn de wike fan 25 o/m 29 juny ’24. Kaarten bliuwe jildich foar de oanbelangjende ynheldatum
Tagonklikheid Tryater fynt it wichtich om sa tagonklik mooglik te wêzen foar elkenien. We wurkje hjirfoar gear mei ferskillende organisaasjes dy’t har ynsette foar in ynklusive teäterbelibbing. Klik hjir foar mear ynformaasje oer de tagonklikheid fan Fanfare. Wolst (ien fan) de mooglikheden brûke by Fanfare, kies dan de juste kaartsoart by it bestellen.
Fanfare-trijelûk
Yn tiden fan tanimmende yndividualisearring wêryn’t minsken har hieltyd mear weromlûke út it ferieningslibben, gienen de makkers fan Tryater op besite by mear as tritich fanfares yn Fryslân. Wat beweecht se om alle wiken by elkoar te kommen en mei elkoar muzyk te meitsjen?
Regisseur en artistyk lieder Tatiana Pratley: “It rekke my om te sjen dat dizze minsken, mei folslein ferskillende achtergrûnen en leeftiden, der alle wiken wer foar kieze om mei elkoar muzyk te meitsjen en op te gean yn wat dat grutter is as harsels. By ús foarûndersyk hearden we safolle moaie, oandwaanlike en grappige ferhalen dat we tochten: dêr kinne we wol trije foarstellingen fan meitsje. Sa ûntstie it idee om in trijelûk te ûntwikkeljen en ús in seizoen lang dwaande te hâlden mei de dynamyk fan de fanfare en de driuwfear fan de minsken dy’t deryn spylje. Foar ús stiet de fanfare foar wat grutters, nammentlik de krêft fan de mienskip en it belang om mei elkoar wat weardefols te ûndernimmen.”
By alle trije foarstellingen spylje (leden fan) Fryske fanfarekorpsen mei. De foarstellingen binne los fan elkoar te besjen. Ynblaze spilet him ôf by de repetysje fan in korps; yn Thúsblaze komst yn Fryske húskeamers yn de kunde mei in personaazje út de slotfoarstelling. De grutte lokaasjefoarstelling Fanfare spilet yn de iepen loft, mei it doarp Easterlittens as dekôr.
It Fanfare-trijelûk makket diel út fan it projekt phōnē, stipe troch de Europese Unie. It projekt is in gearwurking tusken Europeeske teäterselskippen dy’t wurkje mei minderheidstalen. Om Fanfare hinne is der útienrinnende útwikseling mei ynternasjonale partijen.
Tryater set stappen yn duorsumheid en is dêrom sûnich mei drukwurk. By Fanfare is it programmaboekje digitaal; krigest by dyn besyk dus gjin papier mear yn hannen. It is in digitaal magazine, mei eins folle mear romte foar ynformaasje en ferdjipping. En foar moaie foto’s en sels fideo’s. Thús al trochlêze kin fia ûndersteande button.
In podcast yn trije dielen by it Fanfare-trijelûk fan Tryater, mei de foarstellings Ynblaze, Thúsblaze en Fanfare.
De Fanfarepodcast is makke troch Eline van Diggelen foar Tryater, mei tank oan de muzikanten dy’t hjiryn harren ferhalen dielden.
Produksje en research: Eline van Diggelen Muzyk: Laurens van der Meulen Voice-over: Lourens van den Akker Einmiks: Gido Bamboe Einredaksje: Jannie van der Veen en Johannes Keekstra
1. It blaasferhaal fan Johannes
Johannes blaast al sûnt 1949 by Ons Genoegen yn Marsum. Ien jier hat er dêr oerslaan moatten en dat wie dreech.
‘By it earste konsert dat ik werom wie haw ik allinne mar gûld…’
Yn it ramt fan Tryater Rûnom – aktiviteiten mei kreative Friezen omtrint ien fan ús foarstellings – wurken útienrinnende skriuwers in teätermonolooch út op basis fan in ynterview dat sy hiene mei fanfaremuzikanten. Hjirfoar organisearre Tryater skriuwworksjops yn eigen gebou. De monologen binne ynsprutsen troch Nynke Heeg, Peter Sijbenga en Hein Jaap Hilarides; opname en montaazje troch Gido Bamboe, rezjy Johannes Keekstra, portretten troch Lucas Kemper. It konsept is fan Sytse Jansma.
De Fanfaremonologen heart by it Fanfare-trijelûk fan Tryater, mei de foarstellings Ynblaze, Thúsblaze en Fanfare. Njonken De Fanfaremonologen ferskynt ek De Fanfarepodcast fan makker Eline van Diggelen, mei ferdjipjende ynterviews mei muzikanten.
Petra Zijlstra – Bugel Fanfare Wilhelmina Easterein Muzykstik: St. Florian choral, Thomas Doss Skriuwer monolooch: Christa Niklewicz
‘Dat wie wat, koffers mei ynstruminten skommeljend fan skip op sloep…’
Tryater fynt it wichtich om sa tagonklik mooglik te wêzen foar elkenien. We wurkje hjirfoar gear mei ferskillende organisaasjes dy’t har ynsette foar in ynklusive teäterbelibbing.
Hjirûnder hawwe wy alles foar dy op in rige set. Wolst (ien fan) de ûndersteande mooglikheden brûke by Fanfare, kies dan de juste kaartsoart by it bestellen.
Let op! Ast witte litst datst komst, dan kinne wy mei spesifike winsken rekken hâlde. Stjoer dan in mailtsje nei Hilly Kronemeijer. Ek ast fragen hast oer tagonklikheid en/of mear mear ynformaasje, wolst. Sy helpt dy graach fierder. We tinke graach mei dy mei oer hoe’t we foar dy teäter tagonklik meitsje kinne!
SITST YN IN ROLSTOEL EN/OF KINST MIN RINNE?
Rolstoelplakken beskikber: Fanfare is rolstoeltagonklik. Der is in rolstoeltoilet oanwêzich.
Min rinne kinne: Foar besikers dy’t min rinne kinne is der beheind parkearromte neist de spyllokaasje.
STIPE FOAR MINSKEN DY’T MIN HEARRE
Ringlieding: By Fanfare is foar minsken dy’t min hearre in ringlieding (in triedleas hulpsysteem) beskikber. Der is in ûntfanger/luisterhulp (dy’tst om ‘e nekke hingje kinst) mei of sûnder koptelefoan beskikber. Kinst ek dyn eigen koptelefoan (headset) meinimme.
Ringlieding méi gehoarapparaat: De ringlieding is te brûken mei dyn eigen gehoarapparaat mei in T- of MT-stand en CI (cochleair implantaat) yn kombinaasje mei de ûntfanger/luisterhulp.
Ringlieding sûnder gehoarapparaat: Kinst min hearre mar hast gjin gehoarapparaat? Ek dan kinst de ringlieding brûke mei de ûntfanger/luisterhulp yn kombinaasje mei in headset.
Tolk Nederlandse gebarentaal: Der is in tolk Nederlandse gebarentaal beskikber fia smart glasses by alle foarstellingen fan 1 juny ôf.
*Ringlieding en T- of MT-stand: In gehoarapparaat kin in ‘luisterspoelprogramma’ ha (T- of MT-stand). Skeakelje de T- of MT-stand yn en it gehoarapparaat kin de signalen fan de ringlieding ûntfange. Nim by fragen oer dyn gehoarapparaat en de oanwêzichheid fan de T- of MT-stand, kontakt op mei dyn hearspesjalist. Tryater brûkt foar de ringlieding it Phonak-Roger-systeem foar teäters.
FISUELE STIPE
Audiodeskripsje: Beskikber foar bline minsken of minsken dy’t min sjogge by alle foarstellingen fan 7 juny ôf.
Blindengeleidehûnen binne wolkom.
DE RIJ FOARBY (foar prikkelgefoelige minsken)
Bisto prikkelgefoelich of is der in oare reden datst behoefte hast oan mear rêst? Mei de Voorbij de Rij ferklearring kinst de wachtrij oerslaan en fuortendaliks nei de tribune.
Rin de rij foarby en lit de ferklearring sjen oan de meiwurker dy’t de kaarten scant.
Gean troch nei de servicebaly, dêr’t in meiwurker fan Tryater dy fierder helpt. Meist dan alfêst plaknimme op de tribune sadatst dy yn alle rêst tariede kinst op de foarstelling. Fan in kertier foar oanfang ôf giet de tribune iepen foar de rest fan it publyk.
LANGUAGE NO PROBLEM
Nederlandse ondertiteling: aanwezig via een lichtkrant.
English subtitles: available (smart glasses) with the shows from June 1 and further. Choose the ’ticket + smart glasses’
Meitsje dyn jûn by Fanfareyn Easterlittens kompleet en yt yn it foar in hapke mei! By Herbergh Het Wapen van Friesland én by it Paviljoen fan Camping It Krúswetter kinst foarôfgeand oan de foarstelling genietsje fan in hearlik Fanfare-menu. Reserveare dochst rjochtstreeks by de Herbergh of by it Paviljoen.
Let op: As de foarstelling fanwegen it waar op it lêste momint spitigernôch net trochgean kin, dan giet it diner wól gewoan troch.
Wolst sliepen bliuwe yn Easterlittens dan kinst telâne by Camping It Krúswetter, De camping beskikt oer in appartemint, hotelpods, stacaravans, kampeerpods en blokhutten foar in ûntspannen ferbliuw oan it wetter.
Fansels kinst ek dyn eigen tinte meinimme. Der binne sa’n 40 romme kampeerplakken beskikber. De camping seit in ûnderfining fan rust, romte en frijheid ta. Hjir genietest op in rustike en oangename wize fan kampearen, omjûn troch natuerlike pracht. Foar dyjingen dy’t dochs even kontakt meitsje wolle mei de bûtenwrâld, is der de mooglikheid om mei de eigen laptop op de kampearfjilden te ynternetsjen.
Tryater fynt it wichtich om sa tagonklik mooglik te wêzen foar elkenien. We wurkje hjirfoar gear mei ferskillende organisaasjes dy't har ynsette foar in ynklusive teäterbelibbing.
Funksjonele cookies soargje derfoar dat bepaalde dielen fan 'e side goed wurkje en dat jo brûkersfoarkarren bekend bliuwe. Wy kinne dizze cookies pleatse sûnder jo tastimming.
Voorkeuren
De technische opslag of toegang is noodzakelijk voor het legitieme doel voorkeuren op te slaan die niet door de abonnee of gebruiker zijn aangevraagd.
Statistieken
De technische opslag of toegang die uitsluitend voor statistische doeleinden wordt gebruikt.De technyske opslach of tagong dy't allinich brûkt wurdt foar anonime statistyske doelen. Sûnder in dagvaarding, frijwillige neilibjen fan 'e kant fan jo ynternettsjinstferliener, of oanfoljende records fan in tredde partij, kin ynformaasje opslein of ophelle foar dit doel allinich net normaal brûkt wurde om jo te identifisearjen.
Marketing
De technische opslag of toegang is nodig om gebruikersprofielen op te stellen voor het verzenden van reclame, of om de gebruiker op een site of over verschillende sites te volgen voor soortgelijke marketingdoeleinden.
