Tryater spilet teaterfoarstellingen, mar wy sykje ek nei oare mominten om mei it publyk fan gedachten te wikseljen. We ha de aktiviteiten om de foarstellingen hinne bondele yn Tryater Rûnom.
Under dizze titel sykje we de minsken rûnom yn Fryslân op om it petear oan te gean, te fertellen oer of aktyf oan ’e gong te gean (lykas workshops) mei in tal ûnderwerpen út ferskillende ynfalshoeken wei. Dat kinne tema’s wêze dy’t nei foaren komme yn ús foarstellingen, mar it it kin ek in ûnderwerp om ús hinne of út de maatskippij wêze, los fan de foarstelling. We wurkje dêrby gear mei ûnder oaren lokale ynstellingen en inisjativen, eksperts, teatermakkers, minsken út it ûnderwiis, ûnderfiningsdeskundigen, oerheden en toanielferieningen.
Dêr komme ferskillende aktiviteiten út wei. In foarbyld is it momint foarôfgeand oan de foarstelling yn Theater Sneek. Dêr organisearje we pakjesjûn mei snert en sûkelarjemolke, dêr’t we minsken foar útnûgje dy’t graach Sinteklaas fiere wolle. En nei Raze om protters yn De Harmonie is der in neipetear mei de makkers oer hoe’t se harren ferdjippe hawwe yn it ûnderwerp, mei minsken út de soarch.
Om Raze om protters hinne binne in tal aktiviteiten organisearre, dy’t oanslute op it tema fan de foarstelling. De ûndersteande aktiviteiten binne yntusken bekend. Hâld de website yn ‘e gaten foar it wiidweidige programma.
Foar mear ynformaasje oer Tryater Rûnom en boppesteand programma, kinst kontakt opnimme mei Jojanneke Braam: j.braam@tryater.nl.
Tryater Rûnom is mei mooglik makke troch it BankGiro Loterij Fonds.