Loading...

Foar, op en nei Explore the North: HOMSK

09 11 2016

So Happy Together fan HOMSK spilet as satellyt fan Tryater foar, op en nei Explore the North yn de loads fan it Tryatergebou oan de Oostersingel 70 yn Ljouwert.
Kaarten binne te keap op www.explorethenorth.nl. 

So Happy Together fan HOMSK is in tsjustere keukenkomeedzje oer it troude pear Cas & Dorien. It publyk krijt in yntime ynkyk yn it wol en benammen wee fan har relaasje. Yn in letterlike striid sykje se nei in manier om tichter by elkoar te kommen of krekt los te litten. So Happy Together toant de absurde wrâld fan in ûntspoarde relaasje en stelt lûdop de fraach oft ivichduorjende leafde überhaupt bestean kin. So Happy Together giet yn premjêre op festival Explore the North.

De kommende edysje fan Explore the North is op freed 25 en sneon 26 novimber yn de binnenstêd fan Ljouwert, mei Neushoorn as nagelnij festivalhert. Ferdwaal yn en bedwelmje dysels mei it bysûndere programma op unike lokaasjes. De kaartferkeap is al begûn.

Op Explore the North is in ferkoarte ferzje te sjen fan de foarstelling, dêrbûten de folle lingte.

Tekst: Eelco Venema
Regy: Thomas van Ek
Spul: Marjolein Ley en Eelco Venema
Muzyk: Douwe Dijkstra
Dramaturgy: Inés Sauer
Foarmjouwing: Sarah Nixon
Ljochtûntwerp: Sanne Hensen
Technyk: Aart Laferte
Visuals: Sjoerd van der Veen
Fotografy/film: Johanneke Dijkstra

Oer HOMSK:

HOMSK is oprjochte troch akteur/teatermakker Eelco Venema. HOMSK makket foarstellingen út eigen repertoire wei, skreaun ticht op de eigen hûd. Ferwachtsje fysyk teater, poëtyske en absurdistyske teksten mei in rau rantsje, muzyk, dûns en yllúzjonisme. HOMSK spilet it leafst teater op lokaasje foar in lyts publyk. De akteurs spylje ticht op it publyk en steane garant foar in yntinse en yntime teaterbelibbing. In weromkommend tema yn it wurk fan Eelco Venema is ‘befrijing’. Befrijing fan in pine, in wûne út it ferline of de befrijing fan de banaliteit fan it deistige. Yn de stikken fan HOMSK is altyd de hope en it langstme nei dy befrijing oanwêzich. It is dy hope, dy’t ús treast jout, likegoed as makker en as taskôger. Parallel oan de foarstellingen wurdt materiaal ûntwikkele yn ferskate keunstdissiplines (fotografy, film, muzyk) dy’t de totaalbelibbing fan de úteinlike foarstelling fersterkje moatte. Ek wurde spulworkshops oanbean út de tematyk en de spylstyl wei, dy’t HOMSK oanhinget.

Oer Explore the North:

Froast op klomphichte, dauwe op lege wasklinen, iisblommen op it rút. De winter slacht hurd ta yn it histoaryske hert fan Ljouwert. Tiid foar in festival dêr’t de inerlike minske him oan waarmje kin! Explore the North is werom yn Ljouwert en brûkt de binnenstêd as prachtige list foar de bêste skriuwers, muzikanten, dûnsers en akteurs. Keunstners en artysten fan fier fuort, fan om de hoeke, mar leaver noch in kombinaasje fan beide, komme nei Ljouwert om har keunsten te fertoanen en nij wurk te meitsjen. Oan jo de taak om yn dit spinreach fan steechjes en literatuer, fan tsjerkjes en muzyk, it rjochte paad te ferlitten.

Nijs

21 11 2022

Stap op de Rode Loper! met veel aandacht voor de Friese taal en cultuur

Na de succesvolle eerste editie komt het landelijk taal- en leesproject weer naar Leeuwarden. Bijna 1.000 Friese vmbo’ers en hun…

16 11 2022

De Tryater-kadokaart!

Sinteklaas en de krystdagen steane foar de doar. En wat is no leuker as in besite oan in Tryater-foarstelling kado…

07 11 2022

15 novimber presintaasjefoarstelling Bingo!

Ferburgen earmoed bestiet oerál. Ek op it wurk, ek yn ‘e buert of yn it doarp. Hast der fan út…

02 11 2022

Tryater bringt foarstelling fol sinteklazen

Ljouwert, 31 oktober 2022 – Fan tongersdei 9 novimber ôf stiet it gebou fan Tryater in moanne yn it ramt…

27 10 2022

Voorstelling 'Flam' maakt intimiteit op scholen bespreekbaar

Verlangen, wat is het? Wat moet je ermee? Praat je er over met leeftijdgenoten? Eva Meijering maakte voor leerlingen van…

13 10 2022

Resinsje Tryater-foarstelling Romte: Wjerspegeling fan it inerlik

It kin wer. Tryater bringt mei Romte in foarstelling wêrby’t domdryst lake wurde kin. In soarchleaze komeedzje, sûnder al te…

29 09 2022

Tryater siket: KAMPANJELIEDER (22-24 OEREN)

Tryater is ít meartalige teaterselskip fan Fryslân en makket diel út fan de lanlike kulturele basisynfrastruktuer. We spylje goed 270…

25 08 2022

Wolkom by Uit in Huis

Sneon 3 septimber iepenje de kulturele ynstellingen yn Ljouwert it nije seizoen mei it evenemint Uit in Huis. Fansels docht…

25 08 2022

In de Theaterkrant: 'Theatraal tussendoortje laat je stilstaan bij concumptiedrift'

Indiase curry met platbrood. Broodje hamburger. Tonijnpasta. Oesterzwamkebab. Funky chicken wraps. Paella. Poffertjes. Als je nog geen honger had, dan…

30 06 2022

Wethâlder Hein Kuiken ûntbleatet de earste Ljouwerter literêre bank

Op tongersdei 30 juny om 16.00 oere (ynrin om 15.45 oere) ûntbleatet wethâlder Hein Kuiken de earste literêre bank fan…

argyf

Bliuw
op de
hichte