Loading...

Foar, op en nei Explore the North: HOMSK

09 11 2016

So Happy Together fan HOMSK spilet as satellyt fan Tryater foar, op en nei Explore the North yn de loads fan it Tryatergebou oan de Oostersingel 70 yn Ljouwert.
Kaarten binne te keap op www.explorethenorth.nl. 

So Happy Together fan HOMSK is in tsjustere keukenkomeedzje oer it troude pear Cas & Dorien. It publyk krijt in yntime ynkyk yn it wol en benammen wee fan har relaasje. Yn in letterlike striid sykje se nei in manier om tichter by elkoar te kommen of krekt los te litten. So Happy Together toant de absurde wrâld fan in ûntspoarde relaasje en stelt lûdop de fraach oft ivichduorjende leafde überhaupt bestean kin. So Happy Together giet yn premjêre op festival Explore the North.

De kommende edysje fan Explore the North is op freed 25 en sneon 26 novimber yn de binnenstêd fan Ljouwert, mei Neushoorn as nagelnij festivalhert. Ferdwaal yn en bedwelmje dysels mei it bysûndere programma op unike lokaasjes. De kaartferkeap is al begûn.

Op Explore the North is in ferkoarte ferzje te sjen fan de foarstelling, dêrbûten de folle lingte.

Tekst: Eelco Venema
Regy: Thomas van Ek
Spul: Marjolein Ley en Eelco Venema
Muzyk: Douwe Dijkstra
Dramaturgy: Inés Sauer
Foarmjouwing: Sarah Nixon
Ljochtûntwerp: Sanne Hensen
Technyk: Aart Laferte
Visuals: Sjoerd van der Veen
Fotografy/film: Johanneke Dijkstra

Oer HOMSK:

HOMSK is oprjochte troch akteur/teatermakker Eelco Venema. HOMSK makket foarstellingen út eigen repertoire wei, skreaun ticht op de eigen hûd. Ferwachtsje fysyk teater, poëtyske en absurdistyske teksten mei in rau rantsje, muzyk, dûns en yllúzjonisme. HOMSK spilet it leafst teater op lokaasje foar in lyts publyk. De akteurs spylje ticht op it publyk en steane garant foar in yntinse en yntime teaterbelibbing. In weromkommend tema yn it wurk fan Eelco Venema is ‘befrijing’. Befrijing fan in pine, in wûne út it ferline of de befrijing fan de banaliteit fan it deistige. Yn de stikken fan HOMSK is altyd de hope en it langstme nei dy befrijing oanwêzich. It is dy hope, dy’t ús treast jout, likegoed as makker en as taskôger. Parallel oan de foarstellingen wurdt materiaal ûntwikkele yn ferskate keunstdissiplines (fotografy, film, muzyk) dy’t de totaalbelibbing fan de úteinlike foarstelling fersterkje moatte. Ek wurde spulworkshops oanbean út de tematyk en de spylstyl wei, dy’t HOMSK oanhinget.

Oer Explore the North:

Froast op klomphichte, dauwe op lege wasklinen, iisblommen op it rút. De winter slacht hurd ta yn it histoaryske hert fan Ljouwert. Tiid foar in festival dêr’t de inerlike minske him oan waarmje kin! Explore the North is werom yn Ljouwert en brûkt de binnenstêd as prachtige list foar de bêste skriuwers, muzikanten, dûnsers en akteurs. Keunstners en artysten fan fier fuort, fan om de hoeke, mar leaver noch in kombinaasje fan beide, komme nei Ljouwert om har keunsten te fertoanen en nij wurk te meitsjen. Oan jo de taak om yn dit spinreach fan steechjes en literatuer, fan tsjerkjes en muzyk, it rjochte paad te ferlitten.

Nijs

26 02 2024

Tryater presenteert intieme podcast over fanfare

Na De Fanfaremonologen komt Fries theatergezelschap Tryater met nóg een audioproject: De Fanfarepodcast. In drie afleveringen presenteert maker Eline van…

15 02 2024

Tryater Rûnom schrijverspodium met monologenpodcast 

Fanfaremonologen bij Fanfare-drieluik  Een bijzondere expositie wordt donderdagavond 15 februari in ons gebouw geopend. Elf portretten van Friese fanfaremuzikanten, voorzien…

31 01 2024

Foarjiersfakânsje yn Stadsschouwburg De Harmonie. Wy dogge mei!

Op sneon 17 en snein 18 febrewaris om 14.00 oere en 16.00 oere is de beweechlike, hast tekstleaze beukerfoarstelling Groeigraach…

Foto van de jongerentheaterdag 31 01 2024

Tryater in wykein fol fan jongereteäter

Jongeren dy’t ynteresse hawwe yn teäter(meitsje) helje snein 11 febrewaris har hert op yn it gebou fan Tryater yn Ljouwert.…

25 01 2024

ActiefOnline: Jubilerend Tryater delft privé-archieven op

Het Friese theatergezelschap Tryater viert in 2025 zijn zestigjarig bestaan, onder meer met een fraai vorm te geven jubileumboek. Liefhebbers,…

21 12 2023

Winsk 2023

In spesjaal jier is wer omflein. Yn 2023 gjin lockdowns en yngewikkelde omwegen om foarstellingen te meitsjen of trochgean te…

20 12 2023

Tryater zoekt muzikanten (bas, trompet, cornet, euphonium, sopraansaxofoon en bugel)

Je hebt een tijdje geleden de oproep vast voorbij zien komen: Tryater zoekt muzikanten voor een gelegenheidsfanfare voor de voorstelling…

18 12 2023

Tryaters Fanfare compleet met Luizenmoeder-acteur Rop Verheijen

De Amsterdamse acteur Rop Verheijen, veel te zien in de Nederlandse theaters maar vooral bekend van televisie dankzij De luizenmoeder, Klokhuisen Wie…

08 11 2023

Slagge presintaasjedei Tryater, Het Houten Huis en Peergroup

Op moandei 6 novimber 2023 wie alwer de tredde edysje fan de presintaasjedei foar it primêr ûnderwiis: “Een sterk staaltje…

01 11 2023

Waarmrinne foar Foekje Dillema

We meitsje plannen foar in reizgjende teäterfoarstelling oer atlete Foekje Dillema út Boerum. Hja makke yn ‘e jierren ’50 namme…

argyf

Bliuw
op de
hichte

Sjoch ek
op ús
socials

Jou in
besyk oan
Tryater kado