Loading...

Dizze maaitiid yn it ramt fan Ira's trije "lêsten" as artistyk direkteur

28 01 2020

De kommende moannen stiet it programma grôtfol mei moaie produksjes! Trije foarstellingen binne dizze maitiid fan de hân fan Ira Judkovskaja. It binne dêrmei ek “de lêsten” dy’t se regissearret as artistyk direkteur fan Tryater. Wat kinst ferwachtsje? Wy fertelle dy hjir alfêst wat.

BREIDZJE (4+) | ti 18 + wo 19 febrewaris

Op tiisdei 18 en woansdei 19 febrewaris, yn de foarjiersfakânsje, is by Tryater de beukerfoarstelling Breidzje te sjen. In foarstelling oer ferwûnderje. Oer groeie en grutter wurde. Oer neitinke oer letter en weromsjen op hoe’t it earst wie. Oer leare, sels útfine, feroarje. Yn de foarstelling spylje Romke Gabe Draaijer en Brecht Wassenaar tusken it wol. Breidzje is ideaal foar bern om foar it earst yn de kunde te kommen mei teater! Kaarten binne op dizze side te bestellen.

Brecht Wassenaar yn de foarstelling Breidzje

TRIJE SUSTERS | fr 28 febrewaris o/m sn 4 april

Oan de hân fan Tsjechov syn Drie Zusters meitsje akteurs Sjoerd Blom, Romke Gabe Draaijer, Raymond Muller, Eline de Vries en Brecht Wassenaar ûnder lieding fan Ira har eigen fertolking en sykje nei de ferbining mei dizze fiktive personaazjes, út in oare tijd, út in oar lân, dy’t fier fan ús ôf lykje te stean. Nei it (wer)lêzen koenen se harsels hieltyd mear werom yn de personaazjes en har dilemma’s as tweintigers en tritigers, de grutte takomstdreamen, ambysjes, en tagelyk de ûnwennigens nei ûnberêtheid.

Mei inoar ûndersiken sy wat Tsjechov ús nei 118 nei it útbringen fan it stik noch te fertellen hat. Wat binne de oerienkomsten tusken ús, as generaasje jonge Friezen en de jonge minsken út de Russyske provinsje, 118 jier lyn?

Brecht, Eline, Raymond, Romke en Sjoerd foarmden mei Ira yn 2017 ‘De Prutsers’ en se makkenstoe’t de ymprovisaasjefoarstelling Elkenien is yn prutser. Trije jier letter binne dizze Prutsers wer byinoar, allegearre trije jier âlder, mei in dielde fassinaasje foar de Russyske Anton Tsjechov dy’t syn tiid fier foarút like.

Trije Susters is fan 28 febrewaris oant en mei 4 april te sjen yn kafees yn hiel Fryslân. Sjoch op dizze side foar alle plakken, spyldata en kaarten!

Scènefoto út Elkenien is in prutser mei Eline, Brecht, Romke, Raymond en Sjoerd (2017)

1000&1 NACHT | wo 13 maaie o/m sn 6 juny

As lêste liede we teaterseizoen 19/20 út mei in foarstelling op in hiel bysûndere lokaasje mei muzyk fan Beppe Costa! Ynspirearre op de ferhalen fan tûzen-en-ien-nacht, bringe wy bysûndere fertellingen fan Sheherazade (Brecht Wassenaar), dy’t elke jûn oan de dea wit te ûntkommen troch in moai ferhaal te fertellen oan de moardsuchtige kening. Yn in tinte, op de eardere jiskebult yn Ljouwert, begjint se har ferhalen as de sinne ûndergiet.

De foarstelling giet op 15 maaie yn premjêre. Hâld ús social media en webside yn de gaten!

Folgje ús ek op Instagram en Facebook
Yn sawol Breidzje, Trije Susters as 1000&1 Nacht spylje akteurs Romke Gabe Draaijer en Brecht Wassenaar. Se sille tegearre ferslach dwaan fan de repetysjes en ûntjouwingen achter de skermen fan dizze foarstellingen fia de stories op Instagram en Facebook, folgje ús fansels ek en sjoch hoe’t der backstage om en ta giet!

Nijs

08 11 2023

Slagge presintaasjedei Tryater, Het Houten Huis en Peergroup

Op moandei 6 novimber 2023 wie alwer de tredde edysje fan de presintaasjedei foar it primêr ûnderwiis: “Een sterk staaltje…

01 11 2023

Waarmrinne foar Foekje Dillema

We meitsje plannen foar in reizgjende teäterfoarstelling oer atlete Foekje Dillema út Boerum. Hja makke yn ‘e jierren ’50 namme…

25 10 2023

TRYATER SIKET : PRODUKSJEMEIWURKER TAGONKLIKHEID (PROJEKTBASIS)

Tryater wol gastfrij en foar elkenien wêze en sette al grutte stappen om de foarstellingen foar minsken mei in fysike,…

09 10 2023

Recensie: Sa lang as wy blaze: alle emoasjes - Leeuwarder Courant

In gewoane repetysjejûn foar fanfare Wilhelmina Easterein. Dat is it unike dekôr foar de premjêre fanYnblaze, it earste diel fan…

09 10 2023

RECENSIE: BRECHT WASSENAAR SOLEERT OP INDRUKWEKKENDE WIJZE IN 'YNBLAZE' - FRIESCH DAGBLAD

,,Er is er één bij die zestig kilometer moet rijden om hier te komen spelen, bij deze fanfare. Altijd op…

05 10 2023

Jeugdteäterfestival Het Avontuur 2023 | 26 & 27 OKT DE EIK WAS HIER (6+)

Om’t it in grut sukses wie, komt jeugdteäterfestival Het Avontuur dizze hjerstfakânsje werom nei De Harmonie! Fan 26 o/m 29…

04 10 2023

Tryater siket sprekkers fan Fryske taalfarianten

Foar in communityprojekt oer taal siket Tryater minsken fan ferskaat plûmaazje dy’t in Fryske streektaal behearskje en dêr fan jannewaris…

18 09 2023

Oer in pear wiken spilet ús suksesfolle jongerefoarstelling Flam (14+) wer!  

Flam is in oangripende klassefoarstelling oer leafde en freonskip, en alles dêr tuskenyn. In foarstelling dy’t oer pine oan dyn hert,…

14 09 2023

Oprop: TRYATER SIKET SKRIUWERS 

Fan oktober oant en mei desimber giet Tryater by sân Fryske fanfares del foar de foarstelling Ynblaze.  In unike gearwurking…

27 07 2023

Wolkom by Uit in Huis

Sneon 9 septimber iepenje de kulturele ynstellingen yn Ljouwert it nije seizoen mei it evenemint Uit in Huis. Fansels docht…

argyf

Bliuw
op de
hichte

Sjoch ek
op ús
socials

Jou in
besyk oan
Tryater kado