Loading...

De wearde fan TRYTHIS?! - Marcissa van Schuilenburg

20 06 2017
(LR) Try This 6.0 Presentaties (Ruben van Vliet Fotografie)-31

Marcissa van Schuilenburg

‘De frijheid learde my om fierder te tinken’

By har stúdzjes Docent Theater en Dramatherapie die se twa kear mei TRYTHIS?! mei en as se tiid hie, soe se sa wer meidwaan: Marcissa van Schuilenburg.

Wat makke TRYTHIS?! foar dy sa leuk om oan mei te dwaan?
‘De earste kear wurke ik mei Tim Verbeek, dy’t ik goed ken. Dus doe ha we tegearre in hoop wille hân by it projekt. De twadde kear wie ûnder lieding fan Eelco Venema. Hy hat as makker in hiel eigen styl. Dat joech in soad nije input en ik waard echt útdage as spiler. Dat wie foar my in grutte mearwearde. It is hoe dan ek hiel leuk datst in bytsje ‘meidwaan meist’ by it selskip dêr’tst normaal net samar by spylje kinst.’

Wat is foar dy de wearde fan it TRYTHIS?!-projekt?
‘Dat der út jonge, ûnbefongen minsken wei wurke wurdt. In jonge makker dy’t in soad fan teater wit en jonge spilers dy’t der in hiel soad sin yn hawwe. Dy kombinaasje is hiel weardefol, tink ik. De regisseur wurdt útdage troch datjinge dat de jonge spilers oanleverje. Dy tinke soms hiel oars en net yn in bepaald stramyn. En as spilers wurdst útdage om nije dingen te besykjen. It stimulearret elkoar. Sa wurde der hiele leuke foarmen fûn dy’tst oars miskien net betinke kinnen hiest.’

Hast dingen leard yn it projekt?
‘Ik ha mear frijheid yn spyljen en meitsjen ûntdutsen, ik learde om fierder doare te tinken. By Tim krigen we in soad frije opdrachten dêr’t we alle materialen fan Tryater, lykas kostúms en rekwisiten by brûke mochten. Dat wie hiel gaaf, want as ik op skoalle teater makke dan hiest hast gjin spullen en no wol. Dat bea nije mooglikheden. By Eelco learde ik foaral in soad fan syn fysike wize fan spyljen. Ik waard my mear bewust fan myn lichem en wat ik dêrmei dwaan koe.’

Hoe wie it om as groep sa’n stik te meitsjen?
‘It wie hiel moai om te sjen hoe’t elkenien mei hiel ferskillende dingen kaam as we in frije opdracht krigen. We hienen allegear deselde opdracht, likefolle tiid en de resultaten wienen folslein oars. Hiel ynspirearjend wie dat.

Fierder die ik it projekt echt om sels dingen te learen. Minder foar de gesellichheid. Ik kaam om wat te heljen by Tryater. Ik hie ferlet fan ferdjipping. Ik bin mysels dêryn ek wol tsjin kaam. Soms mei ik mear beseffe dat it net hoecht om oeral it bêste fan mysels sjen te litten.

Trochdatst mei safolle ferskillende minsken wurkest, learst ek om gear te wurkjen. Elkenien wurket oars en fynt oare dingen noflik. Dêr moatst dan mei elkoar in middenwei yn fine. Elk persoan hat ek syn eigen kwaliteiten, ik ha leard om myn plakje dêryn te finen. Hoe’t ik mei wat ik kin wer by in oar oanslute kin.’

Hoe fûnst it om út in persoanlike ynfalshoeke wei te wurkjen?
‘Ik fûn dat hiel nijsgjirrich. It past ek by de dramaterapy-oplieding dy’t ik no dien ha, dêr is dat hiel normaal. Ik murk dat ik it ekstra leuk fûn omdatst de ferdjipping yn dysels sykje kinst: hoe sjoch ik tsjin dit tema oan? Hoe kin ik in persoanlik ferhaal op it poadium bringe en it omfoarmje nei wat grappichs of geks? Troch de persoanlike ynstek learst elkoar goed kennen en wurdst hechter. It soarget ek foar in bepaalde echtheid op it poadium dy’t ik hiel moai fyn om te sjen.’

Wat is foar dy it TRYTHIS?!-gefoel?
‘It projekt hat wat boartliks en ek wat stikems. Kinst ‘oankloaie’ yn in profesjonele omjouwing en meist dingen dy’tst normaal net dwaan kinst. Dat is hiel leuk. Dêrneist is it projekt ek hiel persoanlik troch de wize fan wurkjen, do as minske wurdst as útgongspunt nommen.

Ik tink dat it ek in wurksum yngrediïnt fan TRYTHIS?! is. Dat makket it tagonklik. Want elkenien hat wol in eigen miening, in eigen passy of in bepaald byld by wat. Elkenien hat oantinkens. Mei in bytsje stjoer troch in makker kinst dêr wat moais fan meitsje.’

MARIT DE WEERD

 

Nijs

08 11 2023

Slagge presintaasjedei Tryater, Het Houten Huis en Peergroup

Op moandei 6 novimber 2023 wie alwer de tredde edysje fan de presintaasjedei foar it primêr ûnderwiis: “Een sterk staaltje…

01 11 2023

Waarmrinne foar Foekje Dillema

We meitsje plannen foar in reizgjende teäterfoarstelling oer atlete Foekje Dillema út Boerum. Hja makke yn ‘e jierren ’50 namme…

25 10 2023

TRYATER SIKET : PRODUKSJEMEIWURKER TAGONKLIKHEID (PROJEKTBASIS)

Tryater wol gastfrij en foar elkenien wêze en sette al grutte stappen om de foarstellingen foar minsken mei in fysike,…

09 10 2023

Recensie: Sa lang as wy blaze: alle emoasjes - Leeuwarder Courant

In gewoane repetysjejûn foar fanfare Wilhelmina Easterein. Dat is it unike dekôr foar de premjêre fanYnblaze, it earste diel fan…

09 10 2023

RECENSIE: BRECHT WASSENAAR SOLEERT OP INDRUKWEKKENDE WIJZE IN 'YNBLAZE' - FRIESCH DAGBLAD

,,Er is er één bij die zestig kilometer moet rijden om hier te komen spelen, bij deze fanfare. Altijd op…

05 10 2023

Jeugdteäterfestival Het Avontuur 2023 | 26 & 27 OKT DE EIK WAS HIER (6+)

Om’t it in grut sukses wie, komt jeugdteäterfestival Het Avontuur dizze hjerstfakânsje werom nei De Harmonie! Fan 26 o/m 29…

04 10 2023

Tryater siket sprekkers fan Fryske taalfarianten

Foar in communityprojekt oer taal siket Tryater minsken fan ferskaat plûmaazje dy’t in Fryske streektaal behearskje en dêr fan jannewaris…

18 09 2023

Oer in pear wiken spilet ús suksesfolle jongerefoarstelling Flam (14+) wer!  

Flam is in oangripende klassefoarstelling oer leafde en freonskip, en alles dêr tuskenyn. In foarstelling dy’t oer pine oan dyn hert,…

14 09 2023

Oprop: TRYATER SIKET SKRIUWERS 

Fan oktober oant en mei desimber giet Tryater by sân Fryske fanfares del foar de foarstelling Ynblaze.  In unike gearwurking…

27 07 2023

Wolkom by Uit in Huis

Sneon 9 septimber iepenje de kulturele ynstellingen yn Ljouwert it nije seizoen mei it evenemint Uit in Huis. Fansels docht…

argyf

Bliuw
op de
hichte

Sjoch ek
op ús
socials

Jou in
besyk oan
Tryater kado