Ynhâld is oan it laden, wachtsje asjebleaft.

De wearde fan TRYTHIS?! – Daan van Gent

20 06 2017
TRYTHIS?! | Tryater | Daan van Gent

DAAN VAN GENT

‘EIkenien is hjir gelyk’

Hy wurket sûnt twa jier as hûsmaster by Tryater. Of ‘floormanager’, sa’t er sels leaver seit. Yn it TRYTHIS?!–projekt liet er syn kollega’s bewust in hiele oare kant fan himsels sjen: Daan van Gent.

‘Doe’t TRYTHIS?! foarby kaam, fûn ik it fuort hiel nijsgjirrich: sa koe ik net allinne jonge minsken treffe, mar ek mei makkers fan hjir wurkje. Want neist myn wurksumheden as hûsmaster spylje ik sels ek. Ik folge yn Amsterdam de teateroplieding oan De Trap en dêrnei bin ik foar de leafde nei Fryslân kommen.

Yn 2015 die ik foar it earst mei oan TRYTHIS?! Under regy fan Tim Verbeek makken we in foarstelling basearre op Heimwee nei Hurdegaryp (in foarstelling fan Tryater). Ofrûne jier die ik op ’e nij mei ûnder regy fan Tim en Karel Hermans. Dizze kear wie ús presintaasje ferbûn oan De Wierheid fan Wylgeragea.‘

Wat makke datst in twadde kear meidien hast?
‘By de earste foarstelling spilen we oer saken fan eartiids en ús jeugdoantinkens. Wat ik hiel nijsgjirrich fûn, is datst echt hiel djip giest. Yn dyn eigen oantinkens, mar ek op it mêd fan spyljen. Dat komt hiel bot by elkoar. Dat makke it foar my in hiel nijsgjirrich projekt om oan mei te wurkjen.’

Wat hat de wearde fan TRYTHIS?! foar dy west?
‘De wearde siet deryn dat ik mysels op in oare wize sjen litte koe, oan kollega’s en oan publyk. Wa’t ik as persoan bin en wat ik noch mear doch útsein kofje skinke. Dat fûn ik wol belangryk foar it teamferbân en ek foar mysels. En dêrneist it moetsjen fan minsken fan deselde leeftiid dy’t de passy foar teater diele.’

Hast dingen leard yn it projekt?
‘Ja, ik ha leard om nei it non-ferbale hâlden en dragen fan minsken te sjen. Nei de eagen en de hâlding. Dêr kinst ien mei ‘lêze’. Troch it projekt learst elkoar hoe dan ek op in oare wize kennen. Soms komst dingen te witten dy’tst hielendal net by ien ferwachte hiest. Ik hâld dêrfan. Faak is it by produksjes sa dat it kontakt op in stuit ferwetteret. By Tryater is dat net sa. It skept in soarte fan bân dy’t trochgiet nei it projekt.

Fierder ha ik ûntdutsen dat ik my gefoelich en kwetsber opstelle kin nei oaren ta. Ik kin in goed lústerjend ear biede oan in groep. Dat joech my ek de befêstiging dat ik bêst goed yn in groep lis.‘

Hoe is it om as groep sa’n stik te meitsjen?
‘Foaral de earste kear wie der in hiele fijne ferbining as groep. Earst kenst elkoar fansels hielendal net. Mar geandewei praatst oer de ûnderfiningen en gefoelens fan elkoar en dan kinst nei elkoar ta groeie. We kamen wolris by elkoar thús oer de flier. Of we gienen allegear nei it repetearjen noch even de stêd yn foar in pilske of wyntsje. Foar my persoanlik wie dat wol in mearwearde.

Dat sosjale is ek wat Tryater mei elkoar ferbynt. It is in plak dêr’t elkenien by elkoar komt dy’t ferbûn is oan it selskip. Elkenien is hjir gelyk. Moarns allegear gesellich kofjedrinke, altyd mei in brede glimlaits. It is hjir altyd elkenien mei elkoar. Dat skûlet yn alles dat fan Tryater is, ek yn dit projekt. Dêrom fyn ik it belangryk dat it der is.’

Wat is foar dy it ‘TRYTHIS?!-gefoel’?
‘Op in hiele feilige, fijne en gave manier ferbûn wêze oan it selskip Tryater.’

 

MARIT DE WEERD

 

Nijs

Beeldmerk met de tekst Makke troch Minsken 10 11 2026

Makke troch minsken

Tryater bliuwt as kreative organisaasje fêsthâlden oan it sels meitsjen fan kreative uteringen. We ûntwurpen in label dat dit Fryske minskewurk útstrielt op ús uteringen: Makke troch minsken.

Campagnebeeld voor locatievoorstelling Drift met actrice Joke Tjalsma 29 10 2026

Muzikanten en motorriders socht foar Drift

Foar de foarstelling Drift, yn maaie-juny 2027 op it boppedek fan de Ljouwerter parkeargaraazje De Klanderij, binne wy op syk…

Sfeerfoto van cast bij de eerste lezing van Fierder nei it Noarden 02 09 2026

Yndrukwekkende earste lêzing Fierder nei it Noarden

Ferline wike tiisdei wie de earste lêzing fan ús nije lokaasjefoarstelling Fierder nei it Noarden. De cast, makkers en de…

02 09 2026

Utnûging presintaasje ‘een sterk staaltje jeugdtheater uit het Noorden’ op moandei 16 novimber

Bisto yn ‘e organisaasje of op ‘e skoalle dêr’tst wurkest dejinge dy’t teäterfoarstellingen boekt? Dan nûgje wy dy fan herte…

Portretfoto van Ruthger Zijlstra 15 04 2026

Tryater hjit nije saaklik direkteur wolkom

Ruthger Zijlstra (36) út Ljouwert is op 1 july saaklik direkteur-bestjoerder fan Frysk teäterselskip Tryater. Hy folget Valentijn Fit op, dy't koartlyn nei tsien jier ôfskied naam.

30 03 2026

GEZOCHT: figuranten Swimbad

Voor de grote locatievoorstelling Swimbad zijn we op zoek naar kinderen (7 t/m 10 jaar of oudere kinderen die er jong uitzien) en volwassenen die willen meespelen als figurant. Swimbad speelt van 20 mei t/m 13 juni in openluchtzwembad Dúndelle in Bakkeveen. 

23 03 2026

Tryater slút festivalwykein foldien ôf

Tryater sjocht tefreden werom op it Ienakterfestival dat op 21 en 22 maart yn eigen gebou plakfûn. Nettsjinsteande it strieljende wykeinwaar wiene de útfieringen troch amateurspilers hast allegear útferkocht, mei in útlitten festivalsfear yn it gebou as gefolch.

Campagnebeeld voor locatievoorstelling Drift met actrice Joke Tjalsma 03 03 2026

Tryater siket ferhalen fan froulju foar Drift

Yn 2027 bringt Tryater de spannende parkeargaraazjefoarstelling Drift op de planken, oer de prikeljende ûntdekkingstocht fan in frou op leeftiid. Teätermakker Eva Meijering is foar ynspiraasje op syk nei froulju tusken 50 en 90 jier dy't mei har yn petear wolle oer harren emosjonele ûntwikkeling fan harren jeugd ôf.

Foto met actrice Nynke Heeg in de voorstelling Foekje 19 01 2026

Tagonklike tongersdei

Tryater presintearret op tongersdei 22 jannewaris de resultaten dy’t de pilot tagonklikens yn 2023-2025 foar in teäterbesite troch ûnder mear minsken dy’t min sjogge of hearre opsmiten hat.

18 12 2025

KRYSTWINSK 2025

It is omflein, dat wichtige 2025 dêr’t Tryater de âldens fan 60 jier yn oantikje mocht. Al fan 5 septimber ôf, de dei dat it jubileumboek Tryater spilet ferskynde, fiere we dat folop. Mar it feest hong it hiele jier eins al yn ‘e loft.

argyf

Bliuw
op de
hichte

  • As earste op ‘e hichte fan start kaartferkeap
  • Achtergrûnynformaasje by ús foarstellingen en aktiviteiten
  • Tryater rûnom: programmearing om foarstellingen hinne

Ynskriuwe Betingsten

Sjoch ek
op ús
socials

Jou in
besyk oan
Tryater kado