Beweechfiguranten socht!

Dizze maitiid spilet de foarstelling Under Wetter yn Wergea en op Oerol. Tryater wurket yntinsyf gear mei dûnsselskip Ivgi&Greben oan dizze grutskalige lokaasjeproduksje. Njonken de profesjonele spilers en dûnsers is der noch plak foar inkele fleksibele en fanatike beweechfiguranten fan tusken de 8 -12 jier en fan 55+.

Yn Under Wetter wurdt in doarp konfrontearre mei grutte feroaringen. It wurdt inkele doarpsbewenners tefolle as sels de takomst fan de iisbaan op it spul stiet. Dizze iisbaan leit al jierren op it lân fan famylje Kingma. Dochter Afke hat nei it ferstjerren fan har heit it lân oernaam. Hâldt se har oan har belofte: it ûnderhâlden fan de iisbaan of ferkeapet se it lân om har pleats te rêden?

Wat foar dy?
Wurdst ynset as bewegende figurant en hast dêrom gjin tekst. Hâldsto fan bewegen, kinst in rige fan bewegingen ûnthâlde en opfolgje én fynst it leuk om ûnderdiel te wêzen fan in grutte groep? Dan is dizze ûnderfining krekt wat foar dy! Wy biede dy in bysûndere tiid wêrby’st gearwurkest mei profesjonele akteurs, dûnsers en muzikanten. Wichtich is datst beskikber bist foar leafst alle foarstellingen fan Under Wetter. Dêrneist wurde der yn de jûnsoeren en yn it wykein noch in pear repetysjemominten ynpland. Bist in oantal dagen net beskikber, mar hast wol ynteresse? Meld dy dan dochs oan, want faaks is it mooglik om dyn rol mei in oare figurant te dielen.

Ynteressearre? Lês dan it komplete profyl en jou dy op foar woansdei 16 febrewaris. Krigest dan in útnûging foar de audysjes!

Oanmelde kin fia ûndersteand formulier.

Foto’s: Ivgi&Greben / Nellie de Boer