Wolkom by Uit in Huis

Sneon 3 septimber iepenje de kulturele ynstellingen yn Ljouwert it nije seizoen mei it evenemint Uit in Huis. Fansels docht Tryater mei! Tusken 13.00 en 17.00 oere organisearje we ferskillende fergees tagonklike aktiviteiten.

Bern kinne mei har âlden en pakes en beppes in teatrale miny-safary meitsje nei in beam yn de buert. It is in foarpriuwke op de 6+ skoalfoarstelling De Eik was hier, dy’t fan april 2023 ôf op basisskoallen spilet. Dêrneist komst as besiker op boartlike wize yn de kunde mei Romte, de sitcom oer wenjen dy’t yn de hjerst op ferskillende bysûndere lokaasjes yn de provinsje spilet. Ek kinst by Uit in Huis plaknimme yn in libbensgrut patatbakje: Snackgelok. In audio-ynstallaasje dêr’tst ferhalen oer konsumearjen hearst en dy’t op simmerfestivals stie as Oerol en Welcome to The Village. Ta beslút wurdt in rûnlieding jûn troch it bysûndere gebou, in eardere skoalle, dêr’t Tryater yn sit.

Programma 3 septimber

13.00 oant 17.00 oere Doar iepen, Oostersingel 70
Trochrinnend                                  Ynstallaasje Snackgelok en doch-aktiviteit foar bern
14.00, 15.00 en 16.00 oere              Miny-safary De Eik was hier (doer: sa’n 20 minuten)
14.30 en 15.30 oere                        Romte-kwis (doer: sa’n 30 minuten)
15.00 en 16.00 oere                        Rûnlieding troch it gebou (doer: sa’n 45 minuten)

Oer Uit in Huis

By Uit in Huis sette kulturele ynstellingen yn Ljouwert de doar iepen om dy te fertellen oer har programma foar de kommende tiid, of om it dy sjen, hearre of belibje te litten! Gean fan foarstellingen nei bandsjes, nei sessys of tentoanstellingen. It feest giet jûns troch yn Neushoorn mei it ST<RTfestival! Uit in Huis wurdt op 3 septimber om 13.00 oere ôftrape op it Wilhelminaplein mei Let’s Dance! Dizze (mei doch-)iepeningsdûns is in goreografy fan it dûnsselskip Ivgi&Greben. Wolst mear witte oer Uit in Huis? Klik dan hjir foar it folsleine programma.

~Foto: Christian Kamminga