Ûnderwilens by Illustere Figuren: yntergalaktyske harkspullen yn Neushoorn Café en Lewinski
10 05 2019
De seis mannen fan it kollektyf Illustere Figuren sitte net stil. Moarn, sneon 11 maaie om 20:00, spylje se live in searje absurde, yntergalaktyske harkspullen yn it Neushoorn Café, De Backstage, Ljouwert. Op freed 7 juny 20:00 binne se live by Lewinski yn Snits.
Mei hjoeddeiske en ungewoanlike gebrûksfoarwerpen meitsje de mannen in universum wêryn’t se altyd stribjen bliuwe. De yntergalaktyske harkspullen waarden yn 2018 foar it earst lansearre en wiene in grut sukses. Sawol om te dwaan as om te beharkjen in genot. Se sitte fol humor, ferrassingen en koarte, sterke ferhalen.
Dit jier breidzje de dappere bemanningsleden fan it stjerrenskip de harkspulsesjes út nei in jûnfoljend programma. Elke ôflevering jout in absurde, yntergalaktyske draai oan in maatskiplik tema, lykas bygelyks plastyske sjirurgy, babyboom, jildkreaasje en karstress.
As publyk genietest mei dyn koptelefoan fan in prachtich harkspul datst live folgje kinst of mei dyn eagen ticht beharkje kinst.
11 maaie – 20:00 seal iepen – 20:30 oanfang – Neushoorn, Ljouwert. Kaarten fynst hjir.
7 juny – 20:00u – Lewinski, Snits. Kaarten fynst hjir.
Illustere Figuren bestiet út Tim Verbeek, Zen Roorda, Joeso Peters, Joachim Rumke, Raymond Muller en Thomas van Ek en is ek in satellyt fan Tryater: ien fan de trije talintfolle teaterselskippen dy’t wy stypje mei ekspertise en materiaal.
