Tryater Tagonklik
10 05 2023
Sûnt in oantal jierren is Tryater yn petear mei de Werkgroep Toegankelijkheid Leeuwarden om de mooglikheden te ûndersykjen om ús foarstellingen tagonkliker te meitsjen foar elkenien.
Ek minsken dy ‘t dôf binne of min hearre, wolle wy de mooglikheid jaan om fan teäterfoarstellingen te genietsjen. Om dit te fierder te ûndersykjen hawwe wy kontakt socht mei ûnderfiningssaakkundigen en se útnûge by Tryater.
Ofrûne moandeitemiddei 8 maaie wie it safier. In entûsjaste groep minsken mei in auditive beheining, in gebarentolk en teksttolk hawwe in rûnlieding krigen by Tryater en harren ûnderfining, kennis en tips dield.
In bysûnder weardefolle middei dy ‘t wis in ferfolch kriget. Der binne moaie petearen ûntstien en goede oanknopingspunten om mei oan ‘e gong te gean, hjiroer letter mear!
