Fierder nei it Noarden

Kaartferkeap fan 1 maaie 2026 ôf

Yn Fierder nei it Noarden bedarret de tritichjierrige Gabe yn de garaazje dêr’t er mear as tweintich jier lyn mei syn mem net fierder koe. Op syn njoggende naam se him mei op reis nei it Hege Noarden, ympulsyf en sûnder plan. De reis einige troch autopech yn in autogaraazje dêr’t mem en soan út need de nacht trochbrochten.

Troch har bipolêre steurnis skuorde syn mem him faak roekeleas mei yn grutte fantasyen en aventoeren. Gabe hold fan har ferhalen, mar dizze nacht fielde er foar it earst dat er der allinne foar stie.

Ik moat it sels dwaan…

Yn ‘e garaazje hat Gabe it petear mei syn mem, dat doe ûnmooglik wie. Oer alles dêr’t sy nea fan begrepen hat dat hy it nedich hie. En hy wol fierder reizgje, letterlik en figuerlik, nei it Noarden dêr’t se nea oankamen.

Fierder nei it Noarden is in yntime foarstelling oer soarch, leafde en ferantwurdlikheid. Oer in bern dat te betiid folwoeksen wurde moast, en oer weromgean om einlings foarút te kinnen.

Unike lokaasje | Haaima Garages

Fierder nei it Noarden spilet ôf him yn de wurkpleats fan de Haaima autogaraazjes yn respektyflik It Hearrenfean, Drachten en Ljouwert. In romte dy’t naadleas oanslút by de oantinkens oan de nacht dy’t alles feroare.

Spylperiode: 7 o/m 17 okt It Hearrenfean, 20 o/m 31 okt Drachten, 3 o/m 28 nov Ljouwert
Lokaasje: Wurkpleats Haaima Garages yn It Hearrenfean, Drachten en Ljouwert
Entreeprizen: € 24,50 (standaard), € 22,- (Freonen fan Tryater), € 17,50 (CJP/Jong o/m 25 jr), try-outs € 2,50 koarting
Betide-boekers-koarting: € 2,50 de kaart oant 1 augustus 2026
Taal: Fierder nei it Noarden is foar it grutste part Frysktalich. Nederlandse ondertiteling is aanwezig (lichtkrant)
English subtitles: available (Smart Glasses). Choose the ’ticket + smart glasses’

Tagonklikheid
Tryater fynt it wichtich om sa tagonklik mooglik te wêzen foar elkenien. We wurkje hjirfoar gear mei ferskillende organisaasjes dy’t har ynsette foar in ynklusive teäterbelibbing.
Klik hjir foar mear ynformaasje oer de tagonklikheid fan Fierder nei it Noarden. Wolst (ien fan) de mooglikheden brûke, kies dan de juste kaartsoart by it bestellen.

Tryater fynt it wichtich om sa tagonklik mooglik te wêzen foar elkenien. We wurkje hjirfoar gear mei ferskillende organisaasjes dy’t har ynsette foar in ynklusive teäterbelibbing.

Hjirûnder hawwe wy alles foar dy op in rige set. Wolst (ien fan) de ûndersteande mooglikheden brûke, kies dan de juste kaartsoart by it bestellen.

Let op! Ast witte litst datst komst, dan kinne wy mei spesifike winsken rekken hâlde. Stjoer dan in mailtsje nei Hilly Kronemeijer. Ek ast fragen hast oer tagonklikheid en/of mear mear ynformaasje, wolst. Sy helpt dy graach fierder. We tinke graach mei dy mei oer hoe’t we foar dy teäter tagonklik meitsje kinne!

SITST YN IN ROLSTOEL EN/OF KINST MIN RINNE?

Rolstoelplakken beskikber: de foarstelling is rolstoeltagonklik.

AUDITIVE STIPE

Roger gehoorondersteuning (Phonak) is beskikber foar minsken dy’t min hearre yn de foarm fan in mobile ûntfanger dy’t wurket as ringlieding.
De Roger gehoorondersteuning is op twa ferskillende wizen te brûken:
– Mei dyn eigen gehoarapparaat mei in T- of MT-stand* en CI (cochleair implantaat) yn kombinaasje mei de ûntfanger/luisterhulp.
– Mei in koptelefoan. Wy ha koptelefoans beskikber mar it is ek mooglik om in eigen koptelefoan (net triedleas) oan te sluten.
Tolk Nederlandse gebarentaal: Der is in tolk Nederlandse gebarentaal beskikber fia smart glasses.

*Ringlieding en T- of MT-stand: In gehoarapparaat kin in ‘luisterspoelprogramma’ ha (T- of MT-stand). Skeakelje de T- of MT-stand yn en it gehoarapparaat kin de signalen fan de ringlieding ûntfange. Nim by fragen oer dyn gehoarapparaat en de oanwêzichheid fan de T- of MT-stand, kontakt op mei dyn hearspesjalist. Tryater brûkt foar de ringlieding it Phonak-Roger-systeem foar teäters.