Foarstelling Karawane 20 febrewaris by Tryater yn plak fan De Harmonie
13 02 2019Jolifanto bambla ô falli bambla. Grossiga m’pfa habla horem. Huh?! Wat?
Dít is de foarstelling Karawane. We boartsje mei taal, meitsje nije wurden, ferfoarmje en ferfrjemdzje. Karawane is oarspronklik skreaun as jeugdfoarstelling, mar is op woansdeitejûn 20 febrewaris foar elkenien te sjen. Mar tink derom: de lokaasje is wizige! Karawane is te sjen by Tryater oan de Oostersingel 70 yn plak fan yn De Harmonie.
“Karawane is als een meertalige bonbon”, neffens Noor Vloeimans yn de Leeuwarder Courant. Struktuerleas, betiizjend, tagelyk om hurd by te laitsjen en dy wer even bern by te fielen. Mei Karel Hermans, Peter Sijbenga, Sonia Zwolska en Tatiana Matveeva yn de haadrollen. Konsept en regy troch Tamara Schoppert.
Tickets foar de foarstelling hellest wol gewoan fia de site fan de Ljouwerter Stedsskouboarch, fia dizze link.
