Teatrale portretten fan de wyk
30 06 2023
Communityprojekt “Teatrale portretten fan de wyk” is in gearwurking tusken Tryater en twaddejiers studinten Docent Theater fan de NHL Stenden Hogeschool yn Ljouwert.
Foarich jier is dizze gearwurking mei de Docent Theateropleiding begûn. De studinten folgje yn har oplieding de module ‘werken met een doelgroep’. Yn opdracht fan Tryater is kontakt socht mei buertbewenners fan de Vlietzone en Oud-Oost om te ûndersykjen wat har dwaande hâldt. Tryater is benijd nei de buorlju en wol graach mear de ferbining meitsje en se belûke by aktiviteiten.
De ferhalen fan de bewenners binne troch de studinten yn teatrale portretten foarmjûn mei allegear ferskillende ûnderwerpen lykas:
Wat as alles fuortfalt dêr’tst dy dyn hiele libben oan fêsthâlden hast? Wat is dan it belangrykste yn dyn libben? Yn in multydissiplinêre en meartalige foarstelling litte de studinten jim yn de kunde komme mei de ein fan de wrâld.
Of yn de foarstelling Aanpoten.. ik doe niks liever hearst it ferhaal fan de asyldieren en fersoargers fan Stichting Dierenopvang De Wissel. Wat bart der mei in dier sadree’t dy fan húsdier ta asyldier beneamd wurdt?
Klik hjir foar mear ynformaasje.
Fotografy: Anne-Fleur Jonker
