Ynformaasjejûn foar ynwenners Wergea e.o.
17 03 2022
Fan 12 oant en mei 28 maaie en fan 28 juny oant en mei 9 july spylje wy, y.g.m. dûnsselskip Ivgi&Greben, de lokaasjefoarstelling Under Wetter op de iisbaan fan Wergea. Achter de skermen binnen de tariedingen yn folle gong en no ‘t we elkoar wer sûnder beheiningen live moetsje kinne, is it heech tiid om de ynwenners fan Wergea en omlizzende doarpen te ynformearjen en te belûken.
Dêrom nûgje wy elkenien dy’t ynteresse hat út foar in ynformaasjejûn yn de Bidler op moandeitejûn 4 april (ynrin fan 19.00 oere ôf, start om 19.30 oere). Net allinnich hearst en sjochst dy jûns fan alles oer Under Wetter, ek fertelle wy wat de foarstelling betsjutte sil foar it doarp en is der romte foar fragen. Wat ek oan bod komt, wy binne noch drok op syk nei frijwilligers én hawwe in oanbod foar it doarp.
Sin om te helpen of gewoan nijsgjirrich? Kom dan 4 april nei de Bidler! Foarôf oanmelde is net nedich. Mear ynformaasje oer Under Wetter fynst hjir
