Loading...

Tryater bringt yn de maitiid grut lokaasjeteater op iisbaan

15 11 2021
Tryater_UnderWetter_FlorianCats

Ljouwert, 16 novimber 2021 – By Arcadia en op Oerol bringt Tryater in grutskalige bûtenproduksje op de iisbaan fan Wergea en op Skylge. Mei Under Wetter earet it toanielselskip de Fryske reedrydtradysje, mar snijt ek de klimaatferoaring oan. Yn de foarstelling spylje ûnder mear Tamara Schoppert, Rogier in ’t Hout en Lourens van den Akker mei tromboanespilers ûnder lieding fan Sytze Pruiksma en mei dûnsers fan Ivgi&Greben.

Tatiana Pratley, artistyk lieder fan Tryater en regisseur fan it stik: “Sa’n trije jier lyn kaam ik op it idee fan Under Wetter. De yn de winter ûnder wetter steande iisbanen dy’t selden befrieze, makken foar my de opwaarming fan de ierde hiel taastber. Ik frege my ôf: wat bart der mei dy lege plakken yn doarpen, dy’t eartiids sa’n belangryk moetingsplak wienen?” Yn de foarstelling wurdt troch de eagen fan boerefamylje Kingma it ferhaal ferteld oer de funksje fan de iisbaan troch de jierren en generaasjes hinne. Pratley: “It wurdt in grôtfolle foarstelling. Komst op de tribune eagen en earen tekoart.”

Fertroude en nije gesichten

Foar de foarstelling borduert Pratley foar in part troch op it suksesfolle team achter har foarige foarstellingen. Krekt as by Part-Time Paradise en Nacht skriuwt Wessel de Vries de tekst, fersoarget Janne Sterke de foarmjouwing en ûntwerpt Hanne Pierrot de kostúms. De meartalige cast is hast rûn: “We hawwe hiel iepen sjoen nei in passende akteur foar elk personaazje. It wurdt in miks fan fertroude Tryater-gesichten en ‘nijkommers’ as Rogier in ’t Hout en Ayisha Siddiqi. Rogier is foaral bekend fan Het Klokhuis en De Toneelmakerij, mar spile ek yn Marijke Muoi. Ayisha is in jonge aktrise út Grins, dy’t de toanielakademy yn Maastricht die en al lanlik spile. It moaie is dat se ek dûnset”, seit Pratley. Dat beweging in belangrike rol spylje sil yn de foarstelling docht ek bliken út it feit dat gearwurke wurdt mei it nije ynternasjonale dûnsselskip yn Fryslân: Ivgi&Greben

Start kaartferkeap op 1 desimber

Under Wetter is as ûnderdiel fan programmaline ‘IIS’ fan kultuertriënnale Arcadia te sjen op de iisbaan fan Wergea fan 12 oant en mei 28 maaie en fan 28 juny oant en mei 9 july. Dêr tuskenyn, fan 10 oant en mei 19 juny, stiet de foarstelling op Oerol. De kaartferkeap foar de tweintich foarstellingen yn Wergea ferrint fia tryater.nl en start op 1 desimber, it begjin fan de meteorologyske winter.

Foto fan de making of: Berber van Oyen

>> Mear lêze oer de foarstelling? Klik dan hjir.

Nijs

16 05 2022

Yn de LC: 'As Fryslân oait fergiet, dan graach sa'

Tante Hylkje wieas famke allinne lokkich as der iis lei. Foar Jasper, de foarsitter fan de iisferiening, is de iisbaan…

12 05 2022

Kuierferhalen: kuierje fan iisbanen ôf

By de lokaasjefoarstelling Under Wetter hat Tryater fiif kuiers ûntwikkele dy’t begjinne by in iisbaan yn Fryslân. De rûtes fan…

09 05 2022

Yn de LC: 'Under Wetter': wat joust troch?

De lokaasjefoarstelling Under Wetter fan Tryater giet oer grutte tema’s: klimaatferoaring, mienskip, foarútgong, de takomst fan de iisbaankultuer, en wat…

05 05 2022

Underweis nei Under Wetter

We kunnen er niet omheen: koude winters worden zeldzamer. Ben je benieuwd wat dat betekent voor de toekomst van de…

12 04 2022

Bernefiguranten socht foar Under Wetter op Skylge

Noch even en dan giet de grutte lokaasjefoarstelling Under Wetter fan start! Under Wetter makket diel út fan de programmaline…

31 03 2022

Útnûging (muzyk)aktiviteit foar minsken mei in fisuele beheining

Tryater wurket gear mei de stifting Komt Het Zien! om minsken mei in fisuele beheining de mooglikheid te jaan fan…

30 03 2022

Omrop Fryslan folget it proses en makket tv-searje ‘ Fan binnenút, meisjen by Tryater’.

Keunst ynspirearret, ferbynt en set oan ta neitinken. Hoe wurket dat kreative proses? En wat giet der om yn de…

17 03 2022

Ynformaasjejûn foar ynwenners Wergea e.o.

Fan 12 oant en mei 28 maaie en fan 28 juny oant en mei 9 july spylje wy, y.g.m. dûnsselskip…

17 03 2022

Utnûging skriuwersworkshop

Meikoarten spilet Tryater de foarstelling Under Wetter op de iisbaan fan Wergea. By de foarstelling wurdt in oanfoljend programma (Tryater…

16 03 2022

Hoera! Tryater krijt in lift

Hoera! De grins fan 80% is helle. Tryater sil in lift bouwe. De Crowdfundingsaksje foar in lift yn it pand…

argyf

Bliuw
op de
hichte