Tatiana Pratley mei yngong fan 2020 nij artistyk direkteur

freed 1 febrewaris 2019

Wy binne hiel bliid om fertelle te kinnen dat Tatiana Pratley mei yngong fan 1 augustus 2020 Ira Judkovskaja opfolgje sil as artistyk direkteur fan Tryater.

Tatiana Pratley, hikke en tein yn Fryslân (Ljouwert, 1985), mei woartels yn Frankryk, Ingelân en Poalen, is in Fryske Wrâldboarger.

Tatiana kaam al betiid yn oanrekking mei teater by Meeuw Jonge Theatermakers. Se studearre Kunst, Cultuur en Media oan de Ryksuniversiteit fan Grins en ferfolge har stúdzje oan de Regieopleiding fan de Theaterschool fan de Amsterdamse Hogeschool voor de Kunsten dêr’t se yn 2012 ôfstudearre.

Nei de regyoplieding kaam se by Tryater dêr’t se in fjouwerjierrich talintûntwikkelingstrajekt die. De ôfrûne jierren wie Tatiana as gastregisseur ferbûn oan Tryater. Se wie ûnder oaren mei-betinker en koregisseur fan it Iepeningswykein fan Ljouwert Fryslân Kulturele Haadstêd fan Europa 2018. Mei Karel Hermans en Aukje Schaafsma rjochtte se yn 2015 teaterkollektyf Skoft&Skiep op dêr’t se ferskillende projekten yn Ljouwert en omkriten mei realisearre.

Tryater set mei de kar foar Tatiana Pratley de lijn troch fan romte en fertrouwen biede oan in nije generaasje keunstners yn Fryslân.