in aventoerlike poppeteäterfoarstelling foar de lytste ierdbewenners
Alle jûnen winsket Inca de helderste stjer oan de himel goenacht. As de brutale cowboy Billy op in jûn mei syn lasso de stjer út de himel lassoot om him ta te heakjen oan syn samling fan dingen-dy’t-er-hawwe-woe-en-no-fan-him-binne, kin Inca net mear sliepe.
Sirius en de Spacecowboy is in aventoerlike, fantasyrike en filosofyske poppeteäterfoarstelling foar de lytste ierdbewenners. In foarstelling mei belangrike fragen, lykas wat ‘besit’ betsjut en wannear’tst ergens rjocht op hast. Fragen oer saken dy’t folwoeksen miskien wol hiel normaal begûn binne te finen?
Boekingsynformaasje skoalfoarstellingen
De foarstelling spilet yn de hjerst fan 2023 as skoalfoarstelling foar Fryske beukers. Wolst mei dyn klasse Sirius en de Spacecowboy sjen? Nim dan kontakt op mei mail@firmadraaijerendevries.nl foar de mooglikheden.
- Spylperioade: septimber o/m desimber 2023
- Leeftiid: 4+, groep 1 en 2
- Lokaasje: speellokaal
- Taal: meartalich (Nederlânsk en Frysk)
- Doer foarstelling: 45 minuten
Foar Sirius en de Spacecowboy stipet Tryater Firma Draaijer&DeVries yn de útfier fan de foarstelling. Tryater fersterket it teaterklimaat yn Fryslân, troch nije teatermakkers de mooglikheid te bieden kwalitatyf heechweardige foarstellingen te meitsjen. Tryater stipet har mei ekspertize, romte en materiaal. De nije teatermakkers binne foar Tryater in ynspirearjende krêft binnen it selskip.
