Dêr’t de fantasy en it lichem mekoar foar de gek hâlde
Wat is der oan de hân mei Remmelt? Hy leit stil op in planke en it liket oft er net bewege kin. Mar syn eagen strielje en hy hat wol wille. Joes begrypt der neat fan. Dy komt del om te boartsjen, mar wat is dêr no oan mei sa’n deadeling? Remmelt sjocht it probleem net. Hy hat wol 1001 ideeën yn de holle. Yn syn kop brûst en tûmelet it, der komt gjin ein oan. Giet Joes der yn mei?
Fabelkracht is in beweechlike en hast tekstleaze foarstelling, dêr’t de krêft fan de fantasy en it lichem elkoar yn útdaagje. Tsien jier lyn betovere dizze Tryater-foarstelling – betocht en regissearre troch Tamara Schoppert – al in soad bern (en folwoeksenen!) yn binnen- en bûtenlân. No op ’e nij te sjen.
Fabelkracht is te sjen op basisskoallen rûnom yn Fryslân en op 28 febrewaris om 11.00 oere en 15.00 oere by Tryater yn it ramt fan Help Pake & Beppe De Vakantie Door 2023. Spesjaal foar dizze wike wurde der yn ‘e foyer ekstra berne-aktiviteiten om de foarstelling hinne organisearre. Nim dyn pake, beppe, omke, muoike of dyn âlders mei, want ‘op fertoan’ fan in folwoeksene hast as bern fergees yntree! Wol efkes reservearje (ek foar de bern ).
Entree: € 10
Bern o/m 12 jr: fergees
Ut de resinsjes oer de eardere spylperioade:
Wanneer Joes op een middag bij Remmelt gaat spelen, wordt hij onverwacht onderworpen aan de fantasiewereld van zijn vriend. (…) Wat volgt is een nu eens ritmisch, dan weer acrobatisch en soms clownesk spel van lichaams- en verbeeldingskracht.”
(Leeuwarder Courant, 2012)
“Ik zou samen met mijn vriendjes weer naar deze voorstelling gaan!”
(Z@pp-reporter Iris, 4 jaar, 2012)
Technyske gegevens
- Lokaasje: speel- of gymlokaal
- Ofmjitting: speellokaal minimaal: 8x7x3 m (lxbxh)
- Fertsjustering: winsklik
- Spylperioade: 20 febrewaris o/m 21 april 2023
- Duer foarstelling: +/- 45 min.
- Kapasiteit foarstelling: 80 learlingen
- Taal: hast tekstleas
Fragen oer boekingen?
