Kick-off repetysjes foar Karlsson fan it dak
28 10 2019
De repetysjes foar de grutte famyljefoarstelling Karlsson fan it dak binne no offisjeel fan start nei de kick-off op moandei 28 oktober! De foarstelling bringet Skandinavyske krystsfearen nei Fryslân: it is de tredde grutte famyljeproduksje nei in boek fan de beneamde Sweedske berneboekeskriuwster Astrid Lindgren, nei Ronja de Rôversdochter (2000) en De Bruorren Liuwehert (2006). Alle akteurs en belutsenen sammelden by Tryater om mei elkoar ôf te treppen.
Regisseur Tatiana Pratley late it yn, folge troch dramaturge Nina Thunnissen, dy’t fertelde oer it libben fan de skriuwster Astrid Lindgren, en skriuwer Wessel de Vries oer syn Fryske bewurking fan it boek nei it skript.
Kostúmûntwerpster Hanne Pierrot lit de sketsen sjen foar de personaazjes en dekôrûntwerpster Sarah Nixon presentearre de maquette fan it dekôr. Oant slot namen alle akteurs mei elkoar it skript troch.
Wy hawwe der in soad sin yn!
Lês hjir mear oer de foarstelling Karlsson fan it dak.
Foto’s: (c) Annerie Huls
