Tryater siket koaren, fanfares en brassbands foar It Iepeningswykein fan LF2018
10 07 2017
Tryater organisearret It Iepeningswykein fan LF2018 op 26 en 27 jannewaris 2018. Ira Judkovskaja, artistyk direkteur fan Tryater, hat de artistike lieding. We fiere yn It Iepeningswykein de Iepen Mienskip as it feest wêrby’t we de strjitte op gean, inoar opsykje om te sjen en te harkjen en diel te nimmen.
Tryater siket koaren, fanfares en brassbands foar It Iepeningswykein.
Wa sykje wy?
Koaren, orkesten, fanfares, brassbands
Muzyk spilet by De Iepening in grutte rol en dêrom wolle we gearwurkje mei 50 koaren, 20 orkesten, fanfares en brassbands. Yn gearwurking mei de koaren, orkesten, fanfares en brassbands wolle we foar in muzikaal hichtepunt as start foar it hiele kulturele jier soargje, mei muzyk as ferbinend elemint. It liet foar De Iepening wurdt makke troch Sytze Pruiksma en Nynke Laverman.
Net by in koar mar wol meidwaan? Marike Kooistra hat in Pop-upkoar oprjochte foar minsken dy’t ek meisjonge wolle by De Iepening! Sjoch op www.popupkoorfryslan.nl.
Repetysjeperioade:
Fan begjin oktober 2017 ôf repeteare mei muzyk fan De Iepening yn eigen koar, orkest, fanfare of brassband repetysjes.
Mienskiplike repetysjes (lokaasje folget):
-
Sneon 9 desimber 2017 (oerdeis)ANNULEARRE- Sneon 16 desimber 2017 (oerdeis)*
- Sneon 13 jannewaris 2018 (oerdeis)*
- Sneon 20 jannewaris 2018 (oerdeis); op lokaasje yn it sintrum fan Ljouwert
* Foar de repetysjes op 16 desimber en 13 jannewaris sil jo feriening yn totaal ien deidiel yndield wurde.
Try-outs:
- Woansdei 24 jannewaris 2018 (jûns)
- Tongersdei 25 jannewaris 2018 (jûns)
Wy biede:
- In unike en ûnferjitlike ûnderfining yn in grut muzikaal iepeningsspektakel
- Kofje en tee by de mienskiplike repetysjes en De Iepening
- Bydrage yn de kosten fan jim dirigint (yn oerlis)
- Bydrage yn de kosten foar transport fan ynstruminten (yn oerlis)
Fragen? Nim kontakt op mei Amarins Jansma, koördinator frijwilligers It Iepeningswykein, a.jansma@tryater.nl.
