Folle lok en seine yn 2021!
04 01 2021
Tryater hat in soad plannen foar it kommende healjier. Wy hoopje yn sûnens, alhiel coronaproof, yn april te starten mei de nije lokaasjefoarstelling NACHT. In foarstelling yn parkeargaraazje De Klanderij te Ljouwert oer tragikomyske dreamen, langstme, twivels en eangsten fan minsken dy’t let op de jûn noch wekker binne.
Ek foar de jeugd is der in soad te belibjen it kommende healjier. Sa start op 18 jannewaris de muzikale jeugdfoarstelling Dit wie it waar wer, wêrby’t CO2 oeral op ‘e loer leit . Dêrneist kin men fan febrewaris ôf genietsje fan de beukerfoarstelling Sûkerswiet. In kleurrike smaaksoap oer it belibjen fan it ultime geloksgefoel.
As lêste is It gelok fan Fryslân noch mei te meitsjen op 29 en 30 maaie yn Reduzum, 5 en 6 juny yn Kollum en 12 en 13 juny yn Winaam!
