De wearde fan TRYTHIS?! - Mariska Duin

20 06 2017
TRYTHIS | Tryater | Mariska Duin

MARISKA DUIN

‘Ik bin supporter wurden fan Frysk teater’

Op in vintage learen bankstel yn de kantine fan de NHL Hogeschool moetsje ik Mariska Duin. Se studearret der oan de oplieding Docent Theater. Twa kear die se mei oan TRYTHIS?!, wêrfan de twadde kear yn it trajekt foar spilers dy’t al faker oan it projekt meidienen.

 

Doe’t se foar it earst meidie, die se dat foaral út praktyske redenen. ‘Ik wie dwaande mei it ûntdekken fan regystilen.’ Yn har oplieding moast se nammentlik sels regissearje, ‘fia TRYTHIS?! hope ik nije hânfetten te krijen foar myn eigen regyprojekt.’ Dat slagge, fertelt Mariska. ‘De regisseur wurket mei dy, jout opdrachten en sa ûnderfynst sels wat de wurking fan wat wêze kin. Dêrby is it hiele projekt in útwikseling fan kennis oer teater. Krijst in soad nije ynsichten.

Bliid fertelt se dat se troch Tryater yn kontakt kommen is mei leeftiidsgenoaten dy’t ynteressearre binne yn kreativiteit, teater en sels toanielspylje. ‘Ien fan de spilers foar myn eigen regyprojekt ha ik by TRYTHIS?! kennen leard. Se komt fan in oare oplieding (Creatieve Therapie) en troch har is myn fyzje op teater ek wer feroare. Sy wurdt terapeut, ik wurd makker. Wer in oare dielnimmer hie noch noait spile. Al dy ferskillende minsken ynspirearje elkoar en leare fan elkoar.

Witst wat ek fijn aan TRYTHIS?!is?’ freget se my ynienen retoarysk. ‘Dat it yn sa’n koart tiidsbestek is. Elkenien sit mei folle aginda’s, de studinten hielendal. TRYTHIS?! kinst der maklik tuskentroch dwaan. Dus foar ien dy’t even besykje wol oft it wat foar him of har is, is de drompel ek leech.’ Se tinkt even nei en giet dan fierder: ‘en hearst dochs even by Tryater, fielst dy dan bêst wat.’

 

Gemoedlik

Doe’t Mariska foar it earst it gebou fan Tryater binnenstapte, krige se fuort in goed gefoel. ‘Krijst daliks de yndruk dat dêr wolris in buorrel dronken wurdt en dat der goede, nijsgjirrige petearen fierd wurde.

Wurdst troch it koarte en persoanlike trajekt in hechte groep spilers, fertelt se. ‘Dêrby is it gewoan super goed regele. Sa ytst bygelyks foar de presintaasjejûn mei elkoar. Troch dat soarte fan dingen boust in enoarme bân op.’

Dat TRYTHIS?! net foar teaterprofessionals is, mar krekt foar elkenien, is neffens Mariska hiel belangryk. ‘It is in hiel feilige omjouwing om dingen te besykjen.’ Ek as se achterôf nochris fragen hat, soe se sa nochris kontakt opnimme mei ien fan de regisseurs. ‘It biedwurd by it projekt is ek min ofte mear we’re gonna try, dus meist flaters meitsje, dat jout in hiel soad frijheid.

Kontakt mei de mienskip

Yn hiel koarte tiid learst as groep wat te meitsjen. Learst dy te ferbinen oan it tema. Mar  ferbynst dy ek oan de mienskip der omhinne,’ fertelt se.

TRYTHIS?! slút wat tematyk oanbelanget altyd oan by in foarstelling fan Tryater dy’t op dat stuit spilet. De studinten dy’t meidogge oan it projekt sjogge dêrom ek by dy foarstelling. ‘Kinst nei de foarstelling mei de makkers prate en omdatst al by de groep fan Tryater sitst, is dat hiel leechdrompelich.’ It jout ek in ekstra diminsje oan it projekt. Troch de foarstellingsbesite giet it fierder as sels besykjen fynt se, ‘leist ferbannen, it is in stikje ferdjipping.

By sa’n foarstelling kaam Mariska ek yn kontakt mei in tal fêste Tryater-besikers. It liet har op noch in oare wize nei de wearde fan it selskip sjen. ‘De minsken dy’t ik spruts hienen echt in bân troch de Fryske taal, se foarmje in community.’ Hoewol’t se sels út Fryslân komt, praat se de taal net, ‘it is echt sa dat ik troch TRYTHIS?! de Fryske taal leare sil. Troch de kontakten mei it bedriuw, it publyk en de taal bin ik my folle mear oan it binen oan de omjouwing, oan Fryslân.’ Laitsjend giet se fierder: ‘Ik bin gewoan supporter wurden fan Frysk teater.’

 

RAYMOND MULLER

Nijs

Beeld Kapsalon Theater 17 01 2022

Tryater docht mei oan Kapsalon Theater

Op woansdei 19 jannewaris wurde teaters yn hiel Nederlân foar ien kear omboud ta kapsalon.En wachtsje by de kapper hat…

16 12 2021

Do It Yourself kadoferpakking

De krystddagen stean foar de doar. En hoe leuk is it dan om kaartsjes foar in Tryaterfoarstelling kado te jaan.…

09 12 2021

Pop-up restaurant Geert-Jan Vaartjes by Under Wetter

Ljouwert, 9 desimber 2021 – Foar de maitiidsproduksje Under Wetter wurket Tryater yn Wergea gear mei sjef-kok Geert-Jan Vaartjes en…

26 11 2021

Freonen en amateurspilers oan de slach mei Vader en zoon

Freonen fan Tryater en amateurspilers út Fryslân binne oan it wurk set mei de tematyk fan Vader en zoon. 

Tryater_UnderWetter_FlorianCats 15 11 2021

Tryater bringt yn de maitiid grut lokaasjeteater op iisbaan

Ljouwert, 16 novimber 2021 – By Arcadia en op Oerol bringt Tryater in grutskalige bûtenproduksje op de iisbaan fan Wergea…

09 11 2021

Tryater siket: Meiwurker Produksje

Tryater is ít meartalige teaterselskip fan Fryslân en makket diel út fan de lanlike kulturele basisynfrastruktuer. We spylje goed 270 grut-…

03 11 2021

It gelok fan Fryslân' by Explore the North

Yn de hjerst fan 2020 en 2021 reizge Tryater by tsien ferskillende doarpen yn Fryslân del. Mei de foarstelling ‘It…

02 11 2021

Een sterk staaltje jeugdtheater uit het Noorden

Ofrûne moandei organisearren Tryater, Het Houten Huis en Peergroup ‘Een sterk staaltje jeugdtheater uit het Noorden’. In middei wêrop’t de…

11 10 2021

Yn it FD: "Het leven acteert zichzelf voorbij in ‘Vader en zoon’"

“Wanneer hebben wij voor het laatst naast elkaar gelopen?”, vraagt Mads Wittermans aan zijn vader Joop in Vader en zoon.…

11 10 2021

Yn de LC: Tussen liefhebben en loslaten

“Gebeurtenis: Vader & Zoon. Spel: Joop en Mads Wittermans. Regie: Liesbeth Coltof. Productie: Tryater en Theater Producties Wittermans. Gezien: vrijdagavond…

argyf

Bliuw
op de
hichte