Tryater en Meeuw jonge theatermakers slute oan by Theater Na de Dam

Op sneontejûn 4 maaie is in bysûnder teaterprogramma oan de Oostersingel yn Ljouwert yn it ramt fan Nasjonale Deadebetinking, in dûbelprogramma fan Meeuw jonge theatermakers en Tryater. Theater Na de Dam is in lanlik inisjatyf wêrby’t op deselde tiid yn hiel Nederlân mear as 100 foarstellingen spile wurde en nije teksten lêzen wurde, om dizze dei fan ekstra betsjutting te foarsjen.

Meeuw jonge theatermakers | We’ll meet again

Om 18:30o begjint de jûn by Meeuw jonge theatermakers (Oostersingel 70b) mei de foarstelling We’ll meet again ynspirearre op it boek ‘Sesi’ fan de Fryske Nynke Sietske de Vries. Nei ôfrin fan it programma wurdt om 20.00 oere twa minuten stilte yn acht nommen.

Tryater | Verloren Vader – Tom Lanoye

Om 21:00o wurdt dêrnei by Tryater (Oostersingel 70) de teatertekst Verloren Vader fan de Belgyske skriuwer Tom Lanoye foardroegen. De lêzing wurdt regissearre troch Janneke de Haan en foardroegen troch akteurs Marjolein Ley, Eelco Venema en Rik Witteveen.

Mear oer dit bysûndere teaterprogramma yn it ramt fan Nasjonale Deadebetinking lêst hjir.