Ynhâld is oan it laden, wachtsje asjebleaft.

De wearde fan TRYTHIS?! – Daan van Gent

20 06 2017
TRYTHIS?! | Tryater | Daan van Gent

DAAN VAN GENT

‘EIkenien is hjir gelyk’

Hy wurket sûnt twa jier as hûsmaster by Tryater. Of ‘floormanager’, sa’t er sels leaver seit. Yn it TRYTHIS?!projekt liet er syn kollega’s bewust in hiele oare kant fan himsels sjen: Daan van Gent.

‘Doe’t TRYTHIS?! foarby kaam, fûn ik it fuort hiel nijsgjirrich: sa koe ik net allinne jonge minsken treffe, mar ek mei makkers fan hjir wurkje. Want neist myn wurksumheden as hûsmaster spylje ik sels ek. Ik folge yn Amsterdam de teateroplieding oan De Trap en dêrnei bin ik foar de leafde nei Fryslân kommen.

Yn 2015 die ik foar it earst mei oan TRYTHIS?! Under regy fan Tim Verbeek makken we in foarstelling basearre op Heimwee nei Hurdegaryp (in foarstelling fan Tryater). Ofrûne jier die ik op ’e nij mei ûnder regy fan Tim en Karel Hermans. Dizze kear wie ús presintaasje ferbûn oan De Wierheid fan Wylgeragea.

Wat makke datst in twadde kear meidien hast?
‘By de earste foarstelling spilen we oer saken fan eartiids en ús jeugdoantinkens. Wat ik hiel nijsgjirrich fûn, is datst echt hiel djip giest. Yn dyn eigen oantinkens, mar ek op it mêd fan spyljen. Dat komt hiel bot by elkoar. Dat makke it foar my in hiel nijsgjirrich projekt om oan mei te wurkjen.’

Wat hat de wearde fan TRYTHIS?! foar dy west?
‘De wearde siet deryn dat ik mysels op in oare wize sjen litte koe, oan kollega’s en oan publyk. Wa’t ik as persoan bin en wat ik noch mear doch útsein kofje skinke. Dat fûn ik wol belangryk foar it teamferbân en ek foar mysels. En dêrneist it moetsjen fan minsken fan deselde leeftiid dy’t de passy foar teater diele.’

Hast dingen leard yn it projekt?
‘Ja, ik ha leard om nei it non-ferbale hâlden en dragen fan minsken te sjen. Nei de eagen en de hâlding. Dêr kinst ien mei ‘lêze’. Troch it projekt learst elkoar hoe dan ek op in oare wize kennen. Soms komst dingen te witten dy’tst hielendal net by ien ferwachte hiest. Ik hâld dêrfan. Faak is it by produksjes sa dat it kontakt op in stuit ferwetteret. By Tryater is dat net sa. It skept in soarte fan bân dy’t trochgiet nei it projekt.

Fierder ha ik ûntdutsen dat ik my gefoelich en kwetsber opstelle kin nei oaren ta. Ik kin in goed lústerjend ear biede oan in groep. Dat joech my ek de befêstiging dat ik bêst goed yn in groep lis.

Hoe is it om as groep sa’n stik te meitsjen?
‘Foaral de earste kear wie der in hiele fijne ferbining as groep. Earst kenst elkoar fansels hielendal net. Mar geandewei praatst oer de ûnderfiningen en gefoelens fan elkoar en dan kinst nei elkoar ta groeie. We kamen wolris by elkoar thús oer de flier. Of we gienen allegear nei it repetearjen noch even de stêd yn foar in pilske of wyntsje. Foar my persoanlik wie dat wol in mearwearde.

Dat sosjale is ek wat Tryater mei elkoar ferbynt. It is in plak dêr’t elkenien by elkoar komt dy’t ferbûn is oan it selskip. Elkenien is hjir gelyk. Moarns allegear gesellich kofjedrinke, altyd mei in brede glimlaits. It is hjir altyd elkenien mei elkoar. Dat skûlet yn alles dat fan Tryater is, ek yn dit projekt. Dêrom fyn ik it belangryk dat it der is.’

Wat is foar dy it ‘TRYTHIS?!-gefoel’?
‘Op in hiele feilige, fijne en gave manier ferbûn wêze oan it selskip Tryater.’

 

MARIT DE WEERD

 

Nijs

Afbeelding van een koorddanser uit Abe! 04 07 2025

Tryater ûntfangt subsydzje Provinsje Fryslân

Op freedtemoarn 4 july waard bekend hoe’t provinsje Fryslân it subsydzje oan kulturele ynstellingen foar de perioade 2026-2028 ferdielt. Fryslân…

19 06 2025

Mear as 1500 jongeren by Tryater!

Wat hawwe we in prachtich skoaljier achter de rêch! Mei elkoar hawwe we 75 workshops jûn oan it primêr ûnderwiis,…

16 06 2025

Ynspirearjende byienkomst mei Sport Fryslân rûnom foarstelling Foekje fan Tryater

Op 5 juny organisearren Sport Fryslân en Tryater, dy’t dit jier beide 60 jier bestean, in bysûndere gearkomste yn it…

12 06 2025

Start kaartverkoop Twa minuten foar oanfang en Anwar en de Wolf

Tryater wurdt 60 en fernijt himsels noch altyd. We fiere feest! En do meist folop meidwaan en belibje. De kaartferkeap…

11 06 2025

Ynspirearjende dosintebuorrel

Op tongersdei 5 juny ferwolkommen Tryater, Meeuw jonge theatermakers en Stadsschouwburg De Harmonie in groep entûsjaste dosinten út it fuortset,…

Kees Roorda aan het woord 03 06 2025

Weromsjen: ynlieding Foekje yn Kollum

Op 21 maaie wie foarôfgeand oan Foekje in ynlieding yn Kollum. Kees Roorda, de skriuwer fan it stik, dielde by…

20 05 2025

Weromsjen: kick-off Ienakterfestival

Op 8 maaie wie by ús yn’e hûs de kick-off fan it Ienakterfestival, dat yn maart 2026 op ús programma…

Foto van een workshop 12 05 2025

Tryater tipt: subsydzjeregeling 'Frysk foar no en letter' foar dyn skoalle!

Goed nijs foar skoallen fan PU oant en mei HBU yn de provinsje Fryslân! It is wer mooglik om subsydzje…

Foto van mensen op een tribune 24 04 2025

Kick-off Ienakterfestival

Op tongersdei 8 maaie ha wy de kick-off fan it Ienakterfestival yn ús eigen gebou

17 04 2025

Brosjuere Jeugd & Jongeren 2025/2026

Ynkoarten falt de nije Jeugd & Jongeren Brosjuere op de matte by skoallen, partners en oare ynteressearren! Dizze nagelnije brosjuere…

argyf

Bliuw
op de
hichte

Sjoch ek
op ús
socials

Jou in
besyk oan
Tryater kado