Toanielferienings en spilers socht!
18 12 2024
Doch mei as yndividuele spiler of mei dyn eigen toanielferiening!
Tryater fiert yn seizoen 2025-2026 syn sechtichjierrich bestean. Ien fan de aktiviteiten is it Ienakterfestival yn maart 2026, as in omkeard jierdeikado oan it Fryske teäterfjild. Ta eare fan it 60-jierrich jubileum ha fiif toanielskriuwers, sa as bygelyks Wessel de Vries en Raymond Muller, in ienakter skreaun. Wy sykje toanielferienings en ‘losse’ amateurspilers dy’t as earste mei de ienakters wurkje wolle.
Yn maart 2026 wurde alle fiif de ienakters opfierd op it Ienakterfestival yn ús gebou yn Ljouwert. Spilers en regisseurs krije yn dizze perioade dêrnjonken ferdjipjende masterclasses.
Tiidline
| 8 maaie 2025: kick-off by Tryater. Wa giet mei hokker ienakter oan ‘e slach? |
| start repetysjeperioade ntb |
| 28 (jûn) & 29 novimber 2025 (oerdei): Gouden Ienakter Wykein |
| 19 o/m 22 maart 2026: Ienakterfestival by Tryater |
Wat krijst as toanielferiening?
- As earste in nij skreaune ienakter kado
- Ferdjipjende masterclasses
- Coaching by twa repetysjes op de eigen repetysjelokaasje
- Finansjele bijdrage foar dekor en kostúm
- It spyljen fan dyn ienakter op it Ienakterfestival by Tryater
Wat ferwachtsje we fan de toanielferiening?
- Beskikberheid op de repetysjedata, Gouden Wykein en Ienakterfestival
- De feriening wurket mei in eigen regisseur
Wat krijst as ‘losse’ spiler?
- Komst yn in spilersgroep dy’t regisearre wurdt troch Brecht Wassenaar yn ûngefear 15 repetysjes
- Wurkest as earste mei in nije tekst
- Ferdjipjende masterclasses en útwikseling fan ûnderfining mei oare amateurspilers
- Spilest dyn ienakter op it Ienakterfestival by Tryater
Wat ferwachtsje we fan dy as spiler?
- Beskikberheid op de repetysjedata, Gouden Wykein en Ienakterfestival
Oer de ienakters
Der binne fiif totaal ferskillende ienakters foar ûngefear fiif spilers, mar as feriening bist frij om sels ynfolling te jaan oan dizze rollen. Meist wurkje mei dûbelrollen of ekstra (figuraasje) rollen tafoegje, salang as dat past by de ynhâld fan de ienakter.
Dochst mei?
Hast ynteresse om mei dyn toanielferiening of as yndividuele spiler mei te dwaan? Meld dy dan hjirûnder oan!
Meer weten?
