Mear as 1500 jongeren by Tryater!

Wat hawwe we in prachtich skoaljier achter de rêch! Mei elkoar hawwe we 75 workshops jûn oan it primêr ûnderwiis, fuortset ûnderwiis, mbo én hbo. Dêrmei mochten we mar leafst 1509 learlingen en studinten ferwolkomje yn ús gebou. In soad skoallen hawwe gebrûk makke fan de subsydzjepot fan ferline jier; Frysk foar no en Letter en koenen dêrmei workshops folgje.

210 learlingen dienen mei oan in rûnlieding fia moaie gearwurkingen as:

• JINC – jongeren komme yn de kunde mei de ferskillende beroppen yn ús teäter en ûntdekke dat achtergrûn net dyn takomst bepaalt.
• ArtTrip – dé kultuerrûte wêrby’t jongeren kulturele ynstellingen lykas Tryater fan binnenút kennen leare.
• Stap op de Rode Loper! – in programma fol taal, ferhalen en kreative workshops.

Mar der is mear:

• 350 mbo-ers fan Firda folgen mei in soad entûsjasme de workshop “Huh? Wat? Is dit taal?”
• 560 pû- en fû-learlingen dûkten yn dekôr, ljocht en kostúm én stienen sels op de flier yn “Theater, hoe werkt ’t?!”
• En by ús workshops op maat kamen 300 besikers del – fan learlingen oant dosinten – foar in programma dat oansleat op har eigen tema’s of learfragen. In slagge jier, we sjogge út nei takom skoaljier!

“We mochten echt achter de skermen sjen, dêr wêr’t publyk noait komt”

Mear witte of wolst ek in workshop boeke?  De nije brosjuere mei dêryn it oanbod foar skoaljier ’25-’26 is hjir te besjen. Foar de oanfraach alfêst mear ynformaasje of in frijbliuwende offerte nedich? Dat kin! Nim kontakt op mei edukaasje@tryater.nl

Goed om te witten: foar de workshops binne jim wolkom yn ús moaie gebou oan de Oostersingel (we komme net op skoalle). TIP: we kinne busferfier regelje. (kosten €5,- p.p.)