Tryater fiert syn sechtichjierrich bestean yn teäterseizoen 2025-2026. Yn 1965 ûntstien út it rike amateurfjild, eart it syn woartels mei it Ienakterfestival op 21 en 22 maart 2026. Seis amateurferieningen en twa gearstalde groepen fan spilers geane oan ‘e gong mei spesjaal hjirfoar skreaune ienakters fan Doutsen van Gosliga, Raymond Muller, Maaike Bergstra, Sanne Schuhmacher en Wessel de Vries. De stikken wurde op it festival allegear útfierd op in passende lokaasje yn it gebou fan Tryater. De casts krije hjirby technyske stipe en meie gebrûk meitsje fan de profesjonele romte yn it gebou.

Besjoch hjirûnder hokker groepen meidogge, hokker stik spile wurdt en wannear ast komme kinst te sjen.

Blokkenskema

Kerreven | Doutsen van Gosliga | Tryater grutte seal

Camping De Sinnestriel is koartlyn opkocht troch fakânsjeparkengigant Botervloot. De karakteristike caravans fan in groepke fêste campingbewenners moatte plak meitsje foar lúkse sjalets. Mar dêr litte de campinggasten it net by sitte. Slagget it harren om har favorite camping te rêden?

• Theater in de wijk út Ljouwert yn regy fan Karin Idzenga
  sneon 21 mrt | 13:00 oere
  snein 22 mrt | 16:00 oere
  
  Spul: Brigit Janssen, Beatrix  Leegstra, Wytske Kooistra, Aline Baukje de Boer, Lisette Visser
  
  
• Gelegenheidsgroep Botervloot yn regy fan Alysha Meijboom
  sneon 21 mrt | 15:00 oere
  snein 22 mrt | 14:00 oere
  
  Spul: Sijtse Keekstra, Fardou Brouwer, Jeroen van der Meer, Wybrich Wynia, Annette Rodenhuis, Evelien van der Wal, Ineke Kalteren

Een verlaten zwembad | Sanne Schumacher | Tryater loads

Oan de râne fan it doarp is in ferlitten swimbad wêrfan’t sein wurdt dat der in geast wennet en dat it der spûket. Hertsfreondinnen Fenna en Afke, dy’t al harren hiele libben yn it doarp wenje, witte wol better. Mar dan komt der in nij famke yn it doarp te wenjen en komt harren freonskip ûnder druk te stean. De trije fammen geane op in nacht tegearre nei it ferlitten swimbad en dat feroaret har hiele libben…
In coming of age-en spûkverhaal yn ien.

• De Pionier Theatercreaties út Dokkum – jongerein yn regy fan Ruth Hanemaayer
  sneon 21 mrt | 16:00 oere
  snein 22 mrt | 13:00 oere
  
  Spul: Lyanne Reitsma, Jip van Wijk, Bjorn Bouma, Diana Osinga

De Wolf | Maaike Bergstra | Tryater souder

Op’e pleats fan Jeltsje, har dochter Ymkje en har heit Meindert is neat mear itselde sûnt Jeltsjes man ynienen fuortgien is. Troch it ferskinen fan in wolf op it hiem wurdt er nochris ekstra mist. Mar dan tsjinnet him ynienen in frjemdling oan. Kinne se dizze persoan fertrouwe?
In ienakter oer de eangst foar it ûnbekende.

• Toneelgroep Verder út Drachten yn regy fan Kim Oosterhof
  sneon 21 mrt | 13:00 oere
  snein 22 mrt | 16:00 oere
  
  Spul: Jon Keun, Meint Oosterhof, Vera Lettinga, Annemarie van der Wal
  
  
• Kom mar op! út Suwâld yn regy fan Nynke Talsma
  sneon 21 mrt | 15:00 oere
  snein 22 mrt | 14:00 oere
  
  Spul: Petra van der Velde, Jannie Keizer, Ydwine Scheffer, Symen Algra, Ilse Holzel (ynstekster)

Wat fan hjirút te sjen is/Wat we van hieruit zien | Raymond Muller | Tryater loads

Twa jongeren – ien mei in ankelbân dy’t syn pleechmem besiket te ûntwiken en de oar mei in freeslik jûkjende SOA – ferskûlje har op it balkon fan de buorman. As de buorman thúskomt ûntstiet der in psychologysk kat en mûs spul om foaral ek de plysje bûten de doar te hâlden. Dêrby komme fragen nei boppen as wat no de wierheid is, wa’t der yn dy stellen urn sit en wa ‘snitcht’ no wa?
In tragikomyske ienakter oer wiere freonskip, omsjen nei inoar en opgroeie oan’e râne fan’e maatskippij.

• De Pionier Theatercreaties út Dokkum – folwoeksenen yn regy fan Ruth Hanemaayer
  sneon 21 mrt | 14:00 oere
  snein 22 mrt | 15:00 oere
  
  Spul: Angelique Martina, Jenze Terpstra, Nynke Boorsma

Stijldansen voor senioren | Wessel de Vries | Tryater lytse seal

Alle wiken komt in groepke âlderen yn it wyksintrum byinoar foar de kursus ‘Styldûnsjen foar Senioren’. Lykas Rico, dy’t sûnt it ferstjerren fan syn frou iverich op’e syk is nei in nije partner, misantroop Carla dy’t it leafst mei rêst litten wurde wol en de fiifenssantichjierrige Jan dy’t himsels besiket te oertsjûgjen dat syn libben noch mar krekt begûn is.
In ienakter oer date op lettere leeftyd, dreamen bliuwe, en it foaroardiel dat âlderen iensumer binne as jongeren.

• Stichting Nut en Genoegen út Easterlittens yn regy fan Janneke Bijlsma
  sneon 21 mrt | 16:00 oere
  snein 22 mrt | 13:00 oere
  
  Spul: Gerrit Lettinga, Fedde Bos, Thea Klijnstra, Joke Santema, Wilma van der Bij, Hanneke Westra
  
  
• Gelegenheidsgroep Ienaksy yn regy fan Brecht Wassenaar
  sneon 21 mrt | 14:00 oere
  snein 22 mrt | 15:00 oere
  
  Spul: Jildou Bouma, Gisela Schadenberg, Tjitske Toering, Katja Westra, Gretha Lap, Anne Zijlstra, Otto Ettema, Hans Koekkoek

Nei it Ienakterfestival bliuwe de teksten beskikber foar dizze en oare ferienings, as kado fan Tryater foar it amateurfjild, foar de oarsprong.

• Wannear: sneon 21 en snein 22 maart 2026
• Wêr: Tryatergebou, Oostersingel 70 Leeuwarden
• Kaarten: € 4,- de foarstelling
• Steapelkoarting: 2 foarstellingen 10%, 3 foarstellingen 15%, 4 foarstellingen of mear 20%
  Koarting wurdt automatysk ferrekkene by dyn bestelling