Joop Wittermans yn aksje foar ús crowdfunding jubileumboek

Joop Wittermans, wa ken him net? De akteur stie yn ‘e begjinjierren al op de planken by Tryater. En noch altyd dûkt er wer op.

Sa stapte Joop dizze wike by Tryater binnen en murk op dat de crowdfunding foar ús jubileumboek fan 2025 al goed rint. Hy is faak foar Tryater yn aksje. Fan ’t jier noch yn in glânsrol by it Fanfare-trijelûk. En oar jier, as we it 60-jierrich jubileum fiere, sjochst him fêst ek wer werom.

Yn alle gefallen yn it jubileumboek, dat yn septimber 2025 ferskynt. Dat we sá moai meitsje wolle dat we in bytsje stipe brûke kinne. Jou dysels én ús it moaiste boek kado!