Diel dyn neitins út 60 jier Tryater!

Oprjochte yn 1965, besteane wy yn 2025 alwer 60 jier. Seis desenniums fan groei, krewearjen en wille hawwen. Mar benammen fan moaie foarstellings. Dêr’t wy as organisaasje ferskate neitinzen oan hawwe, mar de besiker grif ek!

Wiest derby doe’t Tryater yn de jierren ’60 op ‘e planken kaam? Trofsto dyn grutte leafde by in foarstelling ein santiger jierren? Rekkesto troch in jeugdfoarstelling yn de eighties sljocht op de teäterwrâld? Seachst de spektakels yn ‘e jierren njoggentich of hast earne yn de lêste tweintich jier in bysûndere bân mei ien fan ús akteurs of oare meiwurkers krigen?

Wy sykje dyn neitins! It kin fan alles wêze, op persoanlik mêd of drekst oan ús ferbûn. We binne benijd wat Tryater op watfoar stuit yn dyn libben ek foar dy betsjutte hat. En wa wit komt dyn ferhaal as ien fan sechtich spesjale herinneringen werom yn it jubileumboek dat we ein 2025 útbringe. Wy hearre graach fan dy! Diel dyn ferhaal fia ûndersteand formulier.