Foarjiersfakânsje yn Stadsschouwburg De Harmonie. Wy dogge mei!
31 01 2024
Op sneon 17 en snein 18 febrewaris om 14.00 oere en 16.00 oere is de beweechlike, hast tekstleaze beukerfoarstelling Groeigraach (4 +) te sjen yn Stadsschouwburg De Harmonie yn Ljouwert. Groeigraach is in boartlike, kleurrike foarstelling foar beukers en elkenien dy ‘t ea beuker west hat. Fol grutte grappen, grollen, fine foefkes en ferrassingen.
Dizze Tryater foarstelling makke en regissearre troch Hali Neto spilet fan 17 febrewaris o / m 26 april op (basis)skoallen yn Fryslân en is iepenbier te sjen yn teäters yn Ljouwert, Rotterdam, Den Haag en Amstelveen. De iepenbiere premjêre is op 17 febrewaris yn Stadsschouwburg De Harmonie, yn Tryaters thússtêd Ljouwert.
Bestel hjir kaarten foar Groeigraach (4+)
