Hoera! Tryater krijt in lift
16 03 2022
Hoera! De grins fan 80% is helle. Tryater sil in lift bouwe.
De Crowdfundingsaksje foar in lift yn it pand fan Tryater is slagge. De ûndergrins foar it al of net trochgean fan de bou fan de lift lei op 80%. Dêr binne we rom oerhinne. Der is yntusken 26.203 euro donearre; 87% fan it bedrach en dat betsjut dat de lift der komt.
Om dochs noch tichter by de 100% te kommen, kin der dizze wike noch donearre wurde. Freed is it dan echt ôfrûn. We sille alle donateurs yn de kommende moannen op ‘e hichte hâlde fan de bou fan de lift.
