De Prutsers komme werom!
05 06 2019
Sjoerd Blom, Romke Gabe Draaijer, Raymond Muller, Eline de Vries en Brecht Wassenaar spilen twa jier lyn Elkenien is in prutser. Doe wienen sy tusken de 20 en 28 jier âld, op syk nei antwurden yn harren libben. Yn 2020 komme sy werom, noch hieltyd neitinkend oer hoe’t sy libje moatte, kinne en wolle. Diskear wurdt it ferhaal ynspirearre en ta libben brocht troch it 117 jier âlde stik fan Anton Tsjechov: de Trije Susters. Wat kinne wy noch fan Tsjechov leare?
Op freed 7 en sneon 8 juny jouwe De Prutsers in lytse Sneak Preview fan dizze foarstelling en harren proses yn De Friesche Club yn Ljouwert. De tagong is fergees. Wês der lykwols gau by, it tal plakken is beheind! Klik hjir om dyn plak te reservearjen.
