1 desimber in De Lawei: Stormram
09 11 2016
In nije generaasje noardlike teatermakkers bondelet har krêften en bûnzet op de doarren fan De Lawei.
De fiif jonge teaterkollektiven Akkers&Velden, Heksenhamer, HOMSK, Illustere Figuren en Skoft&Skiep krije carte blanche om har wurk te presintearjen. Ien jûn nimme se in part fan De Lawei oer.
By de earste edysje fan STORMRAM is de haad-act teaterfoarstelling Lone Wolves Blaffen Niet fan it kollektyf Illustere Figuren. Dêromhinne binne speed-dates dêr’t it publyk yn de kunde komt mei de oare kollektiven en har wurk: fan flarden fan foarstellingen en byldzjende keunstynstallaasjes oant muzikale acts.
De fiif kollektiven dy’t har ferienigje yn STORMRAM kieze bewust foar Fryslân as har thúsbasis. Mienskiplik sykje se nei hoe’t in teatrale jûn der anno no útsjen moat. STORMRAM: mei de kop tsjin de skouboarchdoarren en as in twirre der trochhinne.
Lokaasje De Lawei, Drachten, Reservearje: lawei.nl of 0512-335050.
Datum 1 desimber 2016
Tiid 20:30 oere
Priis €16,- normaal, €13,50 CJP/jongeren
