TRYATER

Ast snobbest, is it krekt oft der in feestje oan de gong is boppe op dyn tonge. Krekt oft der fleurige lampkes yn dyn holle begjinne te brânen. Wurdst der hi ha happy fan en wa wol dat no net!?

Yn in kast op skoalle binne mear as 1.000 suertsjes fûn! Net ien mei derfan ite, want ‘snobbersguod moat fuort’. Jos en Wendy fan de ‘Dienst ter Bestrijding van Suiker’ krije de opdracht om alle bernegebitten te kontrolearjen en it gefaarlike guod út de skoalle te heljen. Mei har spesjale suertsjestofsûgers en sûkerkearende pakken gean se oan de slach. Mar Wendy is eins in enoarme swietbek. It wetter rint har om de tosken fan al dat lekkers. Wat kin der no ferkeard wêze oan ien tumtumke? In hiel lyts minymarsje? In slikje fan in lolly? Slagget it Jos en Wendy om de o sa swiete ferlieding te wjerstean?

Karlijn Kistemaker makke earder by Tryater û.o. de 4+ foarstelling Ien dei út it knisterjende libben fan in pûdsje en de 8+ foarstelling Dit wie it waar wer

SKOALLEFOARSTELLING BOEKE?

Dizze foarstelling is as skoallefoarstelling te boeken en geskikt foar bern fan 4 o/m 6 jier. Kinst dyn klasse ynskriuwe en dan organisearje wy dizze prachtige edukative teaterûnderfining op dyn skoalle.

Technyske gegevens Sûkerswiet:

• Lokaasje:  speellokaal
• Ofmjitting: speellokaal totaal: 8 x7 x 3 m. (l x b x h)
• Fertsjustering:  winsklik
• Spylperioade: 31 jannewaris o/m 18 maart 2022
• Lingte foarstelling: 45 min
• Kapasiteit foarstelling: 80 learlingen

Prizen Sûkerswiet:

• €6,50 de learling
• €420,- de foarstelling (foardelich fan 65 learlingen ôf)
• €715,- by twa foarstellingen op ien dei en lokaasje (foardelich fan 110 learlingen ôf)

Foarstelling boeke? Nim kontakt op mei Jannie van der Veen:j.vdveen@tryater.nl

Tryater hâldt de ûntjouwingen om it coronafirus hinne yn ´e gaten. By al ús foarstellingen folgje wy de advizen fan it R.I.V.M. As ús oanbod dêrtroch wizige wurde moat, dan bringe we dy s.g.m. dêrfan op ´e hichte. As in foarstelling troch de skoalle ôfsein wurdt fanwegen it coronafirus, dan kin dat sûnder kosten. As de foarstelling troch Tryater fanwegen corona ôfsein wurdt, dan wurde der fansels ek gjin kosten yn rekken brocht. Yn beide gefallen wurdt der socht nei in passende oplossing. It boeken fan in foarstelling is foar in skoalle dus gjin finansjeel risiko.