TRYATER

Wylst we nije manieren fan teatrale ferbylding útfine giet de tarieding fan it folgjende seizoen gewoan troch. It is noch net dúdlik oft de foarstellingen dy’t wy pland ha trochgean kinne sa’t we dat graach wolle. De tiid wiist út oft we wer op toernee kinne. We hoopje yn alle gefallen ús publyk gau wer live te sjen!

Yn it waarstasjon healweis Holwert en Wolvegea foarseit de bekendste waarfrou fan Fryslân Paulette Ietsema alle wiken it waar fan hjoed. Krekt dêrom binne de sjochsifers fan har waarshow noch noait oant ûnder it friespunt sakke. Op in dei easket Thor, de nije direkteur fan it waarstasjon, dat Paulette ek it waar foar moarn foarsizze sil. As bliken docht dat de takomst der somber útsjocht, lit Paulette dizze berjochten links lizze en foarseit in romantyske Fryske winterdei mei reedriden en poeiermolke. Net folle letter brekt de iistiid út yn hiel Fryslân. Paulette en har assistint Cosmo reitsje ynsnijd yn it waarstasjon en kinne gjin kant út. Paulette wol net yn panyk reitsje en treast harsels mei it keapjen fan guod. Underwilens sjit it waar alle kanten op en komt Cosmo derachter dat der wat oan dien wurde moat.

Slagget it Paulette om har suksesfolle karriêre as ferneamde waarfrou te hâlden of falt se mei Cosmo stikken yn har eigen boaiemleaze ekologyske fuotprint?

• Dizze foarstelling is in it Nederlânsk en as skoalfoarstelling te boeken (geskikt foar bern fan 8 o/m 10 jier).
• De foarstelling is te sjen yn ferskillende skouboargen yn de perioade 18 jannewaris o/m 19 febrewaris 2021
• Lingte foarstelling: 45-60 min
• Kapasiteit foarstelling: 150 learlingen

As jim skoalle net genôch learlingen hat om in hiele seal fol te krijen dan dielt Tryater jim klasse yn by in oare skoalle.

Prizen

• €6,50 de learling
• €780,- de foarstelling (foardelich fan 121 learlingen ôf)
• Busferfier nedich? Kosten €5,- de learling.

Mail foar mear ynformaasje oer de foarstelling en de boekingsmooglikheden mei Nienke Rullmann fia nienke@tryater.nl